Sealm 3:4 - Anglo-Saxon Psalms c.890-950 AD

⁴ Mid minre stemne ic cleopode to Drihtne and he me gehyrde of his þam halgan munte.

Sealm 3:4 Iomraidhean Croise

Sealm 119:114

Þu me fultumian scealt, ­ ­ ­ ­ ­fæle gestandan and andfenga ­ ­ ­ ­ ­æghwær æt ðearfe, and ic on þin word ­ ­ ­ ­ ­wel getreowe.

Sealm 138:3

Swa hwylce daga ­ ­ ­ ­ ­ic þe deorne cige, gehyr me hwætlice, ­ ­ ­ ­ ­and me hraðe gedo micle mine sawle ­ ­ ­ ­ ­on þines mægenes sped.

Sealm 18:3

Herigende ic clypige to þe, Drihten, and fram minum feondum ic weorðe ahredd.

Sealm 2:6

And ic eam, þeah, cincg geset fram Gode ofer his ðone halgan munt Syon,

Sealm 27:6

and huru nu hæfð min heafod uppahafen ofer mine fynd, for þæm ic ymbhweorfe þin þæt halige tempel, Drihten, and þær offrige on þinum huse þa offrunga; sangas ic singe, and secge Gode lof.

Sealm 28:7

Drihten is min fultumend and min gescyldend; on hine gehyht min heorte, and he me gefultumað.

Sealm 34:4

Ic sohte Drihten and he me gehyrde, and of eallum minum earfoðum he me gefriðode.

Sealm 34:6

Þes þearfa clepode to Drihtne, and Drihten hine gehyrde, and of eallum his earfoþum he hine alysde.

Sealm 43:3

Send þin leoht and þine soðfæstnesse, þa me geogeara læddon, þæt hy me nu gyt gelædan to þinum halgan munte, inon þin halge templ,

Sealm 50:15

and cleopiað to me on þam dagum eowra earfoða. Þonne gefriðie ic eow, and ge weorðiað me.”

Sealm 62:8

Hycge him halig folc ­ ­ ­ ­ ­hælu to Drihtne; doð eowre heortan hige ­ ­ ­ ­ ­hale and clæne, forðon eow God standeð ­ ­ ­ ­ ­georne on fultum.

Sealm 84:12

þæt bið eadig mann, ­ ­ ­ ­ ­se þe him ecean Godes to mundbyrde ­ ­ ­ ­ ­miht gestreoneð.

Sealm 89:19

Þonne ðu ofer ealle ­ ­ ­ ­ ­undearnunga þine bearn sprecest ­ ­ ­ ­ ­and bealde cwyst: “Ic me on þyssum folce ­ ­ ­ ­ ­fultum sette ofermihtigne, ­ ­ ­ ­ ­þone ic me ær geceas.

Sealm 91:15

He cigde me, ­ ­ ­ ­ ­and ic hine cuðlice hold gehyrde, ­ ­ ­ ­ ­and hine hraðe syþþan of earfoþum ­ ­ ­ ­ ­ut alysde.

Sealm 99:9

Hebbað urne god, ­ ­ ­ ­ ­hælend Drihten, and hine on halgum ­ ­ ­ ­ ­her weorbiað mærum beorge; ­ ­ ­ ­ ­for ðon his meahte synt and halig is ­ ­ ­ ­ ­heofonrices weard.