Sealm 28:2 - Anglo-Saxon Psalms c.890-950 AD

² Ac gehyr þa stemne mines gebedes, for þam ic nu to þe clypige and mine handa upphebbe to þinum þam halgan temple.

Sealm 28:2 Iomraidhean Croise

Sealm 125:5

do þu, Drihten, wel ­ ­ ­ ­ ­þam þe gedefe her hiora heortan riht ­ ­ ­ ­ ­healdað mid gōde. Þa ðe gearwe beoð ­ ­ ­ ­ ­to gramum bendum, eft hi gelædeð ­ ­ ­ ­ ­ece Drihten mid þæm þe unriht ­ ­ ­ ­ ­æghwær wyrceað; sibb si Israhelum ­ ­ ­ ­ ­symble ofer ealle.

Sealm 130:2

Drihten, Drihten, ­ ­ ­ ­ ­do þu nu ða, þæt þu mines gebedes ­ ­ ­ ­ ­bene gehyre. Wesan þine earan ­ ­ ­ ­ ­eac gehyrende and beheldende ­ ­ ­ ­ ­mid hige swylce on eall gebedd ­ ­ ­ ­ ­esnes þines.

Sealm 134:2

Hebbað neodlice ­ ­ ­ ­ ­nihta gehwylcere eowre handa ­ ­ ­ ­ ­on halig lof and bletsiað ­ ­ ­ ­ ­balde Drihten.

Sealm 138:2

Eac ic þin tempel ­ ­ ­ ­ ­tidum weorðige, þæt halige hus, ­ ­ ­ ­ ­holde mode, and þær þinne naman ­ ­ ­ ­ ­on neod secge. Ofer þine þa miclan ­ ­ ­ ­ ­mildheortnesse and soðfæstnesse ­ ­ ­ ­ ­samed ætgædere, þu þinne þone halgan naman ­ ­ ­ ­ ­neode gedydest, ofer us ealle ­ ­ ­ ­ ­æghwær micelne.

Sealm 140:6

Ic þa to Drihtne cwæð: ­ ­ ­ ­ ­“þu me eart dyre god; gehyr min gebed, ­ ­ ­ ­ ­halig Drihten, nu ic stefne to þe ­ ­ ­ ­ ­styrme hlude.”

Sealm 141:1

Ic þe, Drihten, to ­ ­ ­ ­ ­dyrum clypige; gehyr me hrædlice ­ ­ ­ ­ ­holdre stefne, þonne ic bene to þe ­ ­ ­ ­ ­bidde ceare full.

Sealm 141:2

Sy on þinre gesihþe ­ ­ ­ ­ ­mines sylfes gebed ful recene gereht, ­ ­ ­ ­ ­swa ricels byð, þonne hit gifre ­ ­ ­ ­ ­gleda bærnað. Swylce is ahafenes ­ ­ ­ ­ ­handa minra, þonne ic þe æfenlac ­ ­ ­ ­ ­estum secge.

Sealm 143:6

Þonne ic mine handa to þe ­ ­ ­ ­ ­holde þenede and mine sawle ­ ­ ­ ­ ­sette mid mode, swa eorðan bið ­ ­ ­ ­ ­ansyn wæteres;

Sealm 5:7

Ic þonne hopiende to þinre þære myclan mildheortnesse, ic gange to þinum huse, Drihten, and me gebidde to þinum halgan altare, on ðinum ege.

Sealm 63:4

Swa ic ðe on minum life ­ ­ ­ ­ ­lustum bletsige and ic on naman þinum ­ ­ ­ ­ ­neode swylce mine handa þwea ­ ­ ­ ­ ­halgum gelome.