Sealm 28:1 - Anglo-Saxon Psalms c.890-950 AD

¹ To þe ic hopige, Drihten, min God; ne swuga, ac dem and miltsa me. Gif þu swa ne dest, þonne beo ic gelicost þam þe afylð on pytt.

Sealm 28:1 Iomraidhean Croise

Sealm 142:1

Min stefn to þe ­ ­ ­ ­ ­styrmeð, Drihten, and ic mid strangere ­ ­ ­ ­ ­stefne swylce eam biddende ­ ­ ­ ­ ­bealde Drihten.

Sealm 142:2

Ic mine bene ­ ­ ­ ­ ­bealde swylce on his gesihðe ­ ­ ­ ­ ­symble ageote, and mine earfeþu ­ ­ ­ ­ ­ealle full georne fore him sylfum ­ ­ ­ ­ ­sæcge geneahhe,

Sealm 143:7

gehyr me hrædlice, ­ ­ ­ ­ ­hæl me syþþan. Nu me deope is, ­ ­ ­ ­ ­Drihten leofa, min sylfes gast ­ ­ ­ ­ ­swær geworden, ne awend fram me, ­ ­ ­ ­ ­wuldres ealdur, þine ansyne; ­ ­ ­ ­ ­wese ic earmum gelic þe on sweartne grund ­ ­ ­ ­ ­syþþan astigað.

Sealm 18:2

Drihten, þu eart min trymenes and min friðstow. Þu eart min alysend and min God and min gefultumend; to þe ic hopige. Þu eart min scyldere and se horn minre hælo; þu eart min fultumen.

Sealm 22:2

Ic clypige dæges and nihtes to ðe, and andette mine scylda and seofige min ungelimp, and þu hit ne gehyrst. Ac ne understand þu hit me to unrihtwisnesse, for ðæm ic þe na ne oðwite þæt þu me ne gehyrst, ac minum agnum scyldum ic hit wite.

Sealm 3:4

Mid minre stemne ic cleopode to Drihtne and he me gehyrde of his þam halgan munte.

Sealm 30:4

Heriað nu Drihten ealle his halige, and andetað þæt gemynd his halignesse,

Sealm 30:9

“Drihten, hu nyt is þe min slæge, oþþe min cwalu oððe min rotung on byrgenne? Hwæðer þe þæt dust herige on þære byrgene, oþþe hwæðer hit cyðe þine rihtwisnesse?”

Sealm 35:22

Nu þu gesyhst, Drihten, hwæt hy doð. Ne geþafa þu hit leng; ne gewit fram me.

Sealm 39:12

Drihten, gehyr min gebed and mine healsunga; onfoh mid þinum earum minne wop and mine tearas; ne swuga wið me, ac andswara me mid þine fultume, for þam ic eom nifara hider on eorþan beforan ðe and ælðeodig swa swa ealle mine fæderas wæran.

Sealm 42:9

Ic cweðe to þam Gode: “Þu eart min andfengend. Hwy forgits þu min, and hwi awyrpst þu me fram þe, oððe hwy lætst þu me gan þus unrotne, þonne me mysceað mine fynd;

Sealm 5:2

and ðenc þara worda minra gebeda, for ðam ic gebidde on dægred to ðe.

Sealm 69:15

þe læs me besencen ­ ­ ­ ­ ­sealte flodas. Ne me huru forswelge ­ ­ ­ ­ ­sægrundes deop ne me se seað ­ ­ ­ ­ ­supe mid muðe.

Sealm 77:1

Ic mid stefne ongann ­ ­ ­ ­ ­styrman to Drihtne, and he me gehyrde ­ ­ ­ ­ ­and beheold sona.

Sealm 83:1

Hwylc is þe gelic, ­ ­ ­ ­ ­ece Drihten? Ne swiga ðu, ­ ­ ­ ­ ­ne þe sylfne bewere.