Sealm 27:9 - Anglo-Saxon Psalms c.890-950 AD

⁹ Ne awend þu þine ansyne fram me, ne þe næfre yrringa acyr fram þinum þeowe. Þu eart min fultumend, Drihten: ne forlæt me, ne ne forseoh me, Drihten, min hælend.

Sealm 27:9 Iomraidhean Croise

Sealm 102:2

Na þu andwlitan ­ ­ ­ ­ ­æfre þinne awend fram me, ­ ­ ­ ­ ­wuldres ealdor; gif ic geswenced sy, ­ ­ ­ ­ ­þu swæs to me þin eare onhyld ­ ­ ­ ­ ­and me ofestlice gehyr, heofenes weard, ­ ­ ­ ­ ­helpys benan.

Sealm 102:3

For ðon dagas mine ­ ­ ­ ­ ­gedroren syndan smece gelice, ­ ­ ­ ­ ­and forspyrcende synd mine mearhcofan, ­ ­ ­ ­ ­þæs þe me þinceð, swylce hi on cocerpannan ­ ­ ­ ­ ­cocas gehyrstan.

Sealm 119:121

Ic soðne dom ­ ­ ­ ­ ­symble worhte; ne syle þu me ehtendum ­ ­ ­ ­ ­æfre minum.

Sealm 13:1

Hu lange wilt þu, Drihten, min forgitan; hwæðer þu oð minne ende wylle; oððe hu lange wilt þu ahwyrfan þinne andwlitan fram me?

Sealm 143:7

gehyr me hrædlice, ­ ­ ­ ­ ­hæl me syþþan. Nu me deope is, ­ ­ ­ ­ ­Drihten leofa, min sylfes gast ­ ­ ­ ­ ­swær geworden, ne awend fram me, ­ ­ ­ ­ ­wuldres ealdur, þine ansyne; ­ ­ ­ ­ ­wese ic earmum gelic þe on sweartne grund ­ ­ ­ ­ ­syþþan astigað.

Sealm 24:5

Se þe swylc byð, he onfehð bletsunge fram Gode and miltse æt Drihtne hælende.

Sealm 44:24

For hwi wendst þu þinne andwlitan fram us, oððe hwy forgytst þu ure yrmða and ure geswinc?

Sealm 69:17

Ne acyr þu æfre fram þinum cnihte ­ ­ ­ ­ ­þin clæne gesyhð, forþan me feondas to ­ ­ ­ ­ ­feohtað geneahhe; gehyr me hrædlice ­ ­ ­ ­ ­and me help freme.

Sealm 69:18

Beheald mine sawle ­ ­ ­ ­ ­and hi hrædlice alys and wiðfere ­ ­ ­ ­ ­laþum feondum.

Sealm 88:1

Þu eart me, Drihten God, ­ ­ ­ ­ ­dyre hælend; ic on dæge to ðe ­ ­ ­ ­ ­dygle cleopode, and on niht fore þe ­ ­ ­ ­ ­neode swylce.