Sealm 27:14 - Anglo-Saxon Psalms c.890-950 AD

¹⁴ Hopa nu, min mod, to Drihtne, and gebid his willan, and do esnlice, and gestaþela and gestranga þine heortan, and geþola Drihtnes willan.

Sealm 27:14 Iomraidhean Croise

Sealm 130:5

forðon min sawl on þe ­ ­ ­ ­ ­symble getreoweð.

Sealm 138:3

Swa hwylce daga ­ ­ ­ ­ ­ic þe deorne cige, gehyr me hwætlice, ­ ­ ­ ­ ­and me hraðe gedo micle mine sawle ­ ­ ­ ­ ­on þines mægenes sped.

Sealm 25:21

Þa unsceðfullan and þa rihtwisan, þa þe begangað, coman to me, wendon þæt me sceolde cuman sum fultum and sum frofor fram þe, for þam ic symle þæs anbidode and wilnode and wende æt þe, Drihten.

Sealm 25:3

ne nan þæra þe to þe hopað ne wyrð gescended. Scamien heora ealle þa unrihtwisan þe idelnesse wyrcað.

Sealm 31:24

Ac doð esnlice, and gestrangiað eowere heortan and eower mod, ælc þæra þe to Gode hopige.

Sealm 33:20

Hopiað nu to Drihtne ure sawla, for þam he ys ure friðigend and ure gescyldend,

Sealm 37:34

Gebid Drihtnes and heald his bebodu, and he þe uppahefð to þæm þæt þu bust eorðan, and þu gesyht hwær þa synfullan forweorðað.

Sealm 37:7

Beo þu Gode underþyd and halsa hine, and ne onhyre þam þe byð orsorh on his wege, and wyrcð, þeah, unriht.

Sealm 40:1

Næs ic on nauht idlum anbide, þeah hit me lang anbid þuhte, þa ða ic anbidode Godes fultumes, for þam he beseah wið min,

Sealm 62:1

Ic mine sawle ­ ­ ­ ­ ­symble wylle full gleawlice ­ ­ ­ ­ ­Gode underþeodan; æt him is hælu min ­ ­ ­ ­ ­her eall gelancg.

Sealm 62:5

Hwæðere ic me soðe ­ ­ ­ ­ ­sawle mine to Gode hæfde ­ ­ ­ ­ ­georne geðeoded; he minre geðylde ­ ­ ­ ­ ­þingum wealdeð.