Sealm 27:12 - Anglo-Saxon Psalms c.890-950 AD

¹² and ne syle me to þara modes willan þe min ehtað, for ðam arison ongean me lease gewitnessa, and heora leasung wæs gecyrred to heom sylfum.

Sealm 27:12 Iomraidhean Croise

Sealm 140:8

Ne alyf þu me æfre ­ ­ ­ ­ ­ofer lust minne on fyrenfulra ­ ­ ­ ­ ­fæcne geðancas, þa wiðerwearde me ­ ­ ­ ­ ­wraðe hycgeað; ne forlæt þu me ­ ­ ­ ­ ­on lifdagum, þy læs hi ahafene ofer me ­ ­ ­ ­ ­hwile weorðen.

Sealm 25:19

And geseoh eac mine fynd, for þam hi synt swyþe gemanigfealdode, and geseoh hu unrihtlice hi me hatiað.

Sealm 31:8

and me ne clemdes on minra feonda handa, ac asettest mine fet on swyðe brad land.

Sealm 35:11

Þonne wið me arison lease gewitan and stældon on me þæt ic nawþer ne nyste ne ne worhte;

Sealm 35:25

ne hy cweþan on heora mode, “wel la wel is urum modum;” ne hy ne cweðen, “we hine frætan.”

Sealm 38:16

For þæm ic symle bæd þæt næfre mine fynd ne gefægen æfter me, þy læs hi mægen sprecan ungemetlico word ongean me, gif hy geseon þæt mine fet slidrien.

Sealm 41:11

Þonne ongyte ic on þam þæt þu me lufast, gif nan minra feonda ne fægnað mines ungelimpes.

Sealm 41:2

Drihtne hine gehylt and hine geliffæst and gedeð hine gesæligne on eorðan, and ne sylð hine na on his feonda handa and anweald.