Sealm 25:5 - Anglo-Saxon Psalms c.890-950 AD

⁵ Geræd me and gerece on þinre soðfæstnesse, and lær me, for þam þu eart, Drihten, min hælend; ælce dæge ic anbidige þines fultumes.

Sealm 25:5 Iomraidhean Croise

Sealm 107:7

Hi þa gelædde ­ ­ ­ ­ ­lifes ealdor, þær hi on rihtne weg ­ ­ ­ ­ ­ricene eodan, oð þæt hi cuðlice ­ ­ ­ ­ ­on becwoman to hiora cestre ­ ­ ­ ­ ­eardungstowe.

Sealm 119:26

Ic þe wegas mine ­ ­ ­ ­ ­wise secge, and þu me gehyrdest ­ ­ ­ ­ ­holde mode; lær me on life, ­ ­ ­ ­ ­hu ic lengest mæge þine soðfæstnysse ­ ­ ­ ­ ­selest gehealdan.

Sealm 119:33

Æ þu me sete, ­ ­ ­ ­ ­ece Dryhten, þæt ic on soðfæste wegas ­ ­ ­ ­ ­symble gange and ic þa secan ­ ­ ­ ­ ­symble mote.

Sealm 119:66

Þu me þeodscipe lær ­ ­ ­ ­ ­þinne tilne and wisdomes ­ ­ ­ ­ ­word to genihte, forðon ic þin bebod ­ ­ ­ ­ ­þriste gelyfde.

Sealm 119:97

Hu ic æ þine, ­ ­ ­ ­ ­ece Drihten, lustum lufode; ­ ­ ­ ­ ­ic þæt lange dyde, þæt ic þa on mode ­ ­ ­ ­ ­metegade georne.

Sealm 22:2

Ic clypige dæges and nihtes to ðe, and andette mine scylda and seofige min ungelimp, and þu hit ne gehyrst. Ac ne understand þu hit me to unrihtwisnesse, for ðæm ic þe na ne oðwite þæt þu me ne gehyrst, ac minum agnum scyldum ic hit wite.

Sealm 24:5

Se þe swylc byð, he onfehð bletsunge fram Gode and miltse æt Drihtne hælende.

Sealm 25:10

Ealle Godes wegas syndon mildheortnes and rihtwisnes ælcum þæra þe his æ secað and his bebodu lufiað.

Sealm 25:8

Drihten, þu eart swete and wynsum and eac rihtwis. For þam gesette God æ scyldiendum on heora wegum,

Sealm 68:20

ure hælend God ­ ­ ­ ­ ­helpe usser and us æt deaðe eac ­ ­ ­ ­ ­Drihten gehealde.

Sealm 79:9

Gefultuma us, ­ ­ ­ ­ ­frea ælmihtig, and alys us, ­ ­ ­ ­ ­lifigende god; weorð urum synnum ­ ­ ­ ­ ­sefte and milde for naman þinum ­ ­ ­ ­ ­neode and aare.

Sealm 86:3

Miltsa me Drihten, ­ ­ ­ ­ ­þonne ic mægene to ðe þurh ealne dæg ­ ­ ­ ­ ­elne cleopade;

Sealm 88:1

Þu eart me, Drihten God, ­ ­ ­ ­ ­dyre hælend; ic on dæge to ðe ­ ­ ­ ­ ­dygle cleopode, and on niht fore þe ­ ­ ­ ­ ­neode swylce.