Sealm 25:19 - Anglo-Saxon Psalms c.890-950 AD

¹⁹ And geseoh eac mine fynd, for þam hi synt swyþe gemanigfealdode, and geseoh hu unrihtlice hi me hatiað.

Sealm 25:19 Iomraidhean Croise

Sealm 11:5

Se ylca Drihten ahsað rihtwise and unrihtwise, þæt heora ægðer secge hwæt he dyde; þæt he him mæge gyldan be heora gewyrhtum, for ðam se þe lufað unriht, he hatað his agene sawle.

Sealm 138:7

Þeah þe ic on midle ­ ­ ­ ­ ­mānes gange, þær me costunga ­ ­ ­ ­ ­cnyðdan geneahhe, a þu me weredest ­ ­ ­ ­ ­wraþum feondum þe me woldan yrre ­ ­ ­ ­ ­on acyðan; þu me geræhtest ­ ­ ­ ­ ­recene mid handa and me þin swyðre ­ ­ ­ ­ ­sneome hælde.

Sealm 140:1

Genere me wið niþe ­ ­ ­ ­ ­on naman þinum fram yfelum menn, ­ ­ ­ ­ ­ece Drihten, and fram þam were, ­ ­ ­ ­ ­þe wom fremme.

Sealm 140:11

Se getynga wer ­ ­ ­ ­ ­on teosuspræce, ne bið se ofer eorþan ­ ­ ­ ­ ­gereaht ahwær; unsoðfæstne wer ­ ­ ­ ­ ­yfel gecnysseð, oþþe he on eorðan ­ ­ ­ ­ ­eall forweorðeð.

Sealm 140:4

Geheald þu me, Drihten, ­ ­ ­ ­ ­wið heteniðas and wið firenfulles ­ ­ ­ ­ ­folmum swylce, and fram þam mannum ­ ­ ­ ­ ­þe man fremmen, alys þu me lungre, ­ ­ ­ ­ ­lifes ealdur.

Sealm 143:3

For þon mine sawle ­ ­ ­ ­ ­swiðe feondas ealle ehtan ­ ­ ­ ­ ­ungemete strange, habbað me gehnæged ­ ­ ­ ­ ­heanne to eorðan and min lif swylce ­ ­ ­ ­ ­gelytlad is. Hi me on digle ­ ­ ­ ­ ­deorce stowe settan sarlice ­ ­ ­ ­ ­samed anlice, swa þu worulddeade ­ ­ ­ ­ ­wrige mid foldan;

Sealm 18:48

Þu eart min alysend fram þam þeodum ðe wið me yrsiað, and me uppahefst ofer ða þe arison wið me; and fram þam unrihtwisan were þu me alysdest.

Sealm 27:12

and ne syle me to þara modes willan þe min ehtað, for ðam arison ongean me lease gewitnessa, and heora leasung wæs gecyrred to heom sylfum.

Sealm 27:2

Þonne me to genealæhton mine fynd me to derianne, swylce hi woldon fretan min flæsc, þa þe me swencton, hi wæron sylfe geuntrumode and gefeollon.

Sealm 38:19

Gyt libbað mine fynd and synt strengran þonne ic, and synt swiðe gemanigfealdode þa þe me mid unrihte hatiað.

Sealm 38:20

Þa ðe me gyldað yfel mid goode, hy me tælað for þy ic sece riht.

Sealm 56:2

And me fæcne tredað ­ ­ ­ ­ ­feondas mine, doð þæt ealne dæg ­ ­ ­ ­ ­fram ærmergene. For ðon monige synd ­ ­ ­ ­ ­ðe to me feohtað;

Sealm 57:4

and mine sawle ­ ­ ­ ­ ­sona alysde of leon hwelpum ­ ­ ­ ­ ­reðe gemanan; wæs ic slæpende ­ ­ ­ ­ ­sare gedrefed. Synd me manna bearn ­ ­ ­ ­ ­mihtigum toðum wæpenstrælas, ­ ­ ­ ­ ­þa me wundedon; wæron hyra tungan getale ­ ­ ­ ­ ­teonan gehwylcre and to yfele gehwam ­ ­ ­ ­ ­ungemet scearpe.

Sealm 86:14

God min se leofa, ­ ­ ­ ­ ­gramhydige me mid unrihte ­ ­ ­ ­ ­oft onginnað, and gesamnincge ­ ­ ­ ­ ­swiðmihtigra sohton mine sawle ­ ­ ­ ­ ­swyþe geneahhe; ne doð him for awiht ­ ­ ­ ­ ­egsan Drihtnes.