Sealm 25:13 - Anglo-Saxon Psalms c.890-950 AD

¹³ His sawl hi gerest softe on monegum goodum, and his sæd on ece yrfeweardnesse gesit eorðan.

Sealm 25:13 Iomraidhean Croise

Sealm 112:2

He on eorðan byð ­ ­ ­ ­ ­eadig and spedig, and his cneorisse byð ­ ­ ­ ­ ­cyn gebletsad.

Sealm 31:19

Eala, Drihten, hu micel and hu manigfeald is seo mycelnes þinre swetnesse þe þu hæfst gehyd and gehealden þam þe þe ondrædað. Þa swetnesse þu him ne lætst næfre aspringan nanum þæra þe to þe hopað beforan manna bearnum.

Sealm 36:8

and hy beoð oferdrencte on þære genihte þines huses, and on þære æ þines willan þu hy drencst,

Sealm 37:11

Ac þa manþwæran gesittað eorþan and fægniað þære myclan sibbe.

Sealm 37:22

Þa þe God bletsiað beoð eorðan yrfeweardas, and þa þe hine wyrgeað forweorðað.

Sealm 37:26

Ac se rihtwisa ælce dæge miltsað and syleð oþrum to borge, and his sæd byð on bletsunge on genihte.

Sealm 37:29

Þa rihtwisan gesittað eorðan on yrfeweardnesse, and hy buiað on hyre a weorulda weoruld.

Sealm 37:34

Gebid Drihtnes and heald his bebodu, and he þe uppahefð to þæm þæt þu bust eorðan, and þu gesyht hwær þa synfullan forweorðað.

Sealm 37:9

for þæm þa þe yfel doð and þæt ne betað, hy beoð awyrtwalode of eorþan; ac þa þe to Gode hopiað and his fultumes anbidiað, hy gesittað on yrfeweardnesse eorþan.

Sealm 63:5

Ys sawl min ­ ­ ­ ­ ­swetes gefylled, swa seo fætte gelynd, ­ ­ ­ ­ ­fægeres smeoruwes; weleras mine ­ ­ ­ ­ ­wynnum swylce þinne naman nu ða ­ ­ ­ ­ ­neode heriað.

Sealm 69:36

Þær hi yrfestol ­ ­ ­ ­ ­eft gesittað and hiora eþel begytað ­ ­ ­ ­ ­esnas Drihtenes, and his naman ­ ­ ­ ­ ­neode lufiað, þær eardiað ­ ­ ­ ­ ­awa to feore.