Sealm 25:10 - Anglo-Saxon Psalms c.890-950 AD

¹⁰ Ealle Godes wegas syndon mildheortnes and rihtwisnes ælcum þæra þe his æ secað and his bebodu lufiað.

Sealm 25:10 Iomraidhean Croise

Sealm 138:7

Þeah þe ic on midle ­ ­ ­ ­ ­mānes gange, þær me costunga ­ ­ ­ ­ ­cnyðdan geneahhe, a þu me weredest ­ ­ ­ ­ ­wraþum feondum þe me woldan yrre ­ ­ ­ ­ ­on acyðan; þu me geræhtest ­ ­ ­ ­ ­recene mid handa and me þin swyðre ­ ­ ­ ­ ­sneome hælde.

Sealm 33:4

for þæm his word synd swyþe riht and ealle his weorc synt getreowe.

Sealm 40:11

Ac ne do þu, Drihten, þæt þin mildheortnes sy me afyrred, for þam þin mildheortnes and þin soðfæstnes me symle underfengon.

Sealm 50:23

“Seo ofrung lofes me licað swiðost and me eac swyðost weorþað, and on þære offrunga is se rihtwisa weg; on þære ic getæce Godes hælo eallum þam þe swa doð.”

Sealm 57:3

He þa of heofenum ­ ­ ­ ­ ­hider onsende þe me alysde, ­ ­ ­ ­ ­laþum wiðferede, sealde on edwit ­ ­ ­ ­ ­þe me ær trædan. Sende mihtig God ­ ­ ­ ­ ­his milde gehigd and his soðfæst mod ­ ­ ­ ­ ­samod ætgædere,

Sealm 85:10

Him gangað ongean ­ ­ ­ ­ ­gleawe cræftas, mildheortnesse mod ­ ­ ­ ­ ­and mihte soð, and hine sybbe lufu ­ ­ ­ ­ ­swylce clyppeð.

Sealm 89:14

þines setles dom ­ ­ ­ ­ ­soð gegearwod. Mildheortnes and soðfæstnes ­ ­ ­ ­ ­mægene forgangað þinne andwlitan; ­ ­ ­ ­ ­

Sealm 91:14

For ðon he hyhte to me, ­ ­ ­ ­ ­ic hine hraðe lyse, niode hine scylde, ­ ­ ­ ­ ­nu he cuðe naman minne.