Sealm 21:4 - Anglo-Saxon Psalms c.890-950 AD

⁴ He þe bæd langes lifes, and þu hit him sealdest a worlda world.

Sealm 21:4 Iomraidhean Croise

Sealm 119:175

Leofað sawl min ­ ­ ­ ­ ­and þe lustum hereð, and me þine domas ­ ­ ­ ­ ­dædum fultumiað.

Sealm 119:77

Cumen me ðine miltsa ­ ­ ­ ­ ­mihtum geswyþede, and ic lange on þam ­ ­ ­ ­ ­lifian mote; forðon me is metegung ­ ­ ­ ­ ­on modsefan, hu ic æ þine ­ ­ ­ ­ ­efnast healde.

Sealm 13:3

Beseoh to me, Drihten, min God, and gehyr me. Onliht mine eagan þæt hi næfre ne slapan on swylcum deaðe,

Sealm 133:3

swa æþele deaw ­ ­ ­ ­ ­on Hermone, se ofer Sionbeorge ­ ­ ­ ­ ­sneome astigeð. For þon her bebead ­ ­ ­ ­ ­halig Drihten lifes bletsunga ­ ­ ­ ­ ­lange to feore of þisson nu ­ ­ ­ ­ ­awa to worulde.

Sealm 72:17

Þonne byð his nama ­ ­ ­ ­ ­ofer eall niða bearn and to widan feore ­ ­ ­ ­ ­weorðeð gebletsod; ær sunnan his nama ­ ­ ­ ­ ­soðfæst standeð, byð his setl ær ­ ­ ­ ­ ­swylce þonne mona. And him byð eorþan cynn ­ ­ ­ ­ ­eall gebletsad; ealle hine þeoda ­ ­ ­ ­ ­þriste heriað.

Sealm 89:29

Ic to widan feore ­ ­ ­ ­ ­wyrce syððan þin heahsetl ­ ­ ­ ­ ­hror and weorðlic swa heofones dagas ­ ­ ­ ­ ­her mid mannum.

Sealm 91:16

Ic hine generige ­ ­ ­ ­ ­and his naman swylce gewuldrige ­ ­ ­ ­ ­geond ealle werðeoda, and him lifdagas ­ ­ ­ ­ ­lange sylle, swylce him mine hælu ­ ­ ­ ­ ­holde ætywe.