Sealm 19:8 - Anglo-Saxon Psalms c.890-950 AD

⁸ Godes rihtwisnessa synt swiðe rihta, for ðæm hy geblissiað manna heortan; Godes bebod is swiðe leoht: hit onliht þa eagan ægþer ge modes ge lichaman.

Sealm 19:8 Iomraidhean Croise

Sealm 105:45

Þær hi heoldan ­ ­ ­ ­ ­halige domas and his soðfæst word ­ ­ ­ ­ ­swylce georne, and his æbebod ­ ­ ­ ­ ­awa to feore.

Sealm 111:7

Ys his handgeweorc ­ ­ ­ ­ ­hyge soðfæstra, ryhte domas, ­ ­ ­ ­ ­þa he ræran wyle;

Sealm 119:105

Þæt is fæle blacern ­ ­ ­ ­ ­fotum minum, þæt ic þin word, Drihten, ­ ­ ­ ­ ­wel gehealde, and þæt ys þæt strange leoht ­ ­ ­ ­ ­stige minre.

Sealm 119:12

Þu eart gebletsud, ­ ­ ­ ­ ­bliþe Dryhten; lær me mid lufan, ­ ­ ­ ­ ­hu ic læste well and ic þine soðfæstnysse ­ ­ ­ ­ ­sweotule cunne.

Sealm 119:121

Ic soðne dom ­ ­ ­ ­ ­symble worhte; ne syle þu me ehtendum ­ ­ ­ ­ ­æfre minum.

Sealm 119:128

For ðon ic eall þin bebod ­ ­ ­ ­ ­elne healde, and ic unrihte wegas ­ ­ ­ ­ ­ealle feoge.

Sealm 119:130

Worda me þinra ­ ­ ­ ­ ­wise onleohteð, beorhtnesse blæcern, ­ ­ ­ ­ ­and þu bealde sylest andgit eallum ­ ­ ­ ­ ­eorðbuendum.

Sealm 119:14

And ic on wege swylce ­ ­ ­ ­ ­wynnum gange, þær ic ðine gewitnesse ­ ­ ­ ­ ­wat ful clæne, swa ic ealra welena ­ ­ ­ ­ ­willum bruce.

Sealm 119:143

Me costunga ­ ­ ­ ­ ­cnysdan geneahhe, and nearonessa ­ ­ ­ ­ ­naman gelome; ac ic þine bebodu ­ ­ ­ ­ ­efnde and læste, eac on minum mode ­ ­ ­ ­ ­hi metegade georne.

Sealm 119:16

Ic on þinre soðfæstnysse ­ ­ ­ ­ ­symble meteode, þæt ic þine wislicu ­ ­ ­ ­ ­word geheolde.

Sealm 119:171

Nu mine weleras ðe ­ ­ ­ ­ ­wordum belcettað ymnas elne, ­ ­ ­ ­ ­gif þu me ærest wylt þine soðfæstnesse ­ ­ ­ ­ ­sylfa læran.

Sealm 119:24

Me wæs þin gewitnys ­ ­ ­ ­ ­wyrð and getreowe, and ic hi on mode ­ ­ ­ ­ ­metegie georne and me to frofre wat, ­ ­ ­ ­ ­þæt ic forð heonun his soðfæstnysse ­ ­ ­ ­ ­sece georne.

Sealm 119:40

Efne ic þine bebodu ­ ­ ­ ­ ­bealde wolde wis wylle gegan; ­ ­ ­ ­ ­wene ic swylce, þæt þu me on rihtes ­ ­ ­ ­ ­ræd gecwycige.

Sealm 119:54

Ac me to sange ­ ­ ­ ­ ­symble hæfde hu ic þine soðfæstnysse ­ ­ ­ ­ ­selest heolde, þær ic on elelande ­ ­ ­ ­ ­ahte stowe.

Sealm 119:80

Wese heorte min ­ ­ ­ ­ ­on hige clæne and ic on þin soðfæst word ­ ­ ­ ­ ­symble getreowige, þæt ic on ealdre ne wese ­ ­ ­ ­ ­æfre gescended.

Sealm 119:92

þær me þin æ ­ ­ ­ ­ ­an ne hulpe, ðe ic on mode ­ ­ ­ ­ ­minum hæfde, þonne ic wende ­ ­ ­ ­ ­on woruldlife, þæt ic on minum eadmedum ­ ­ ­ ­ ­eall forwurde.

Sealm 12:6

Godes word (cwæð Dauid) beoð swiðe soð and swiðe clænu; hy beoð swa hluttur swa þæt seolfor þe byþ seofon siðon amered syþþan se ora adolfen byð.

Sealm 13:3

Beseoh to me, Drihten, min God, and gehyr me. Onliht mine eagan þæt hi næfre ne slapan on swylcum deaðe,

Sealm 40:8

þæt ic sceolde þinne willan wyrcan, and swa ic eac wylle don. Drihten, mid God, ic hæfde geteohhod, and gyt hæbbe, þæt ic scyle healdan þine æ symle on minre heortan.

Sealm 93:5

Þin gewitnes is ­ ­ ­ ­ ­weorcum geleafsum, and mid soðe is ­ ­ ­ ­ ­swiðe getreowed. Huse þinum ­ ­ ­ ­ ­halig gedafenað, Drihten usser, ­ ­ ­ ­ ­and dagas lange.