Sealm 19:13 - Anglo-Saxon Psalms c.890-950 AD

¹³ and from ælðeodegum feondum spara me, þinne ðeow, Drihten. Gif mine fynd ne ricsiað ofer me, þonne beo ic unwemme and beo geclænsod from þæm mæstum scyldum; ac gif hi me abysgiað, þonne ne mæg ic smeagan mine unscylda, ne eac ðinne willan ne mæg smeagan to wyrcanne.

Sealm 19:13 Iomraidhean Croise

Sealm 11:7

For þam God ys swyðe rihtwis, and he lufað rihtwisnesse, and heo byð symle swyðe emn beforan him.

Sealm 119:133

Gerece ðu me swylce, ­ ­ ­ ­ ­þæt ic on rihtne weg æfter þinre spræce ­ ­ ­ ­ ­spedum gange, þy læs min ænig unriht ­ ­ ­ ­ ­ahwær wealde.

Sealm 18:23

for ði ic weorðe unwemme beforan him, and ic me behealde wið min unriht.

Sealm 7:10

Mid rihte we secað fultum to þe, Drihten, for ðam þu gehælst þa heortan rihtra geþohta.

Sealm 84:11

For þon God lufað ­ ­ ­ ­ ­geornast ealles, þæt man si mildheort ­ ­ ­ ­ ­mode soðfæst, þonne him God gyfeð ­ ­ ­ ­ ­gyfe and wuldur. Nele God æfre ­ ­ ­ ­ ­gōde bedælan, þa ðe heortan gehygd ­ ­ ­ ­ ­healdað clæne;