Sealm 18:17 - Anglo-Saxon Psalms c.890-950 AD

¹⁷ and of minum strengestum feondum and from eallum þam þe me hatedon, for þam hig wæron gestrangode ofer me.

Sealm 18:17 Iomraidhean Croise

Sealm 118:7

Nu me fultum ys ­ ­ ­ ­ ­fæle Dryhten, ic fracuþe forseo ­ ­ ­ ­ ­feondas mine.

Sealm 138:7

Þeah þe ic on midle ­ ­ ­ ­ ­mānes gange, þær me costunga ­ ­ ­ ­ ­cnyðdan geneahhe, a þu me weredest ­ ­ ­ ­ ­wraþum feondum þe me woldan yrre ­ ­ ­ ­ ­on acyðan; þu me geræhtest ­ ­ ­ ­ ­recene mid handa and me þin swyðre ­ ­ ­ ­ ­sneome hælde.

Sealm 142:6

Beheald mine sawle, ­ ­ ­ ­ ­hæleþa wealdend, for þon ic geeadmeded eom ­ ­ ­ ­ ­ungemete swiðe. Alys me fram laþum; ­ ­ ­ ­ ­hi me lungre synt ealle ofer me ­ ­ ­ ­ ­ungemete strange.

Sealm 144:7

Onsend þine handa ­ ­ ­ ­ ­of heanessum, alys me and genere ­ ­ ­ ­ ­wið lagustreamum manegum wæterum ­ ­ ­ ­ ­and wið manfolmum fremdra bearna ­ ­ ­ ­ ­and frecenra.

Sealm 25:19

And geseoh eac mine fynd, for þam hi synt swyþe gemanigfealdode, and geseoh hu unrihtlice hi me hatiað.

Sealm 35:10

Eall min ban (þæt is, min mægen) cwyð: “Eala Drihten, hwa is ðin gelica, for þam þu generest þone earman of þæs strengran anwealde, and þone wædlan and þone þearfan ahredst æt þæm þe hine swencað.”

Sealm 38:19

Gyt libbað mine fynd and synt strengran þonne ic, and synt swiðe gemanigfealdode þa þe me mid unrihte hatiað.

Sealm 9:13

Gemiltsa me, Drihten, and geseoh mine eaðmetto (hu earmne me habbað gedon mine fynd), for ðam þu eart se ylca God þe me uppahofe fram deaðes gatum,