Sealm 17:1 - Anglo-Saxon Psalms c.890-950 AD

¹ Gehyr, Drihten, min gebed and ongit mine rihtwisnesse, and onfoh mid þinum earum min gebed, for þon þu wast þæt ic butan facne to þe cleopige.

Sealm 17:1 Iomraidhean Croise

Sealm 102:2

Na þu andwlitan ­ ­ ­ ­ ­æfre þinne awend fram me, ­ ­ ­ ­ ­wuldres ealdor; gif ic geswenced sy, ­ ­ ­ ­ ­þu swæs to me þin eare onhyld ­ ­ ­ ­ ­and me ofestlice gehyr, heofenes weard, ­ ­ ­ ­ ­helpys benan.

Sealm 140:12

Ic þæt gearuwe ongeat, ­ ­ ­ ­ ­þæt gode deð Drihten domas, ­ ­ ­ ­ ­þe on dagum þyssum wædlum weorðað, ­ ­ ­ ­ ­wreceð þearfendra.

Sealm 142:1

Min stefn to þe ­ ­ ­ ­ ­styrmeð, Drihten, and ic mid strangere ­ ­ ­ ­ ­stefne swylce eam biddende ­ ­ ­ ­ ­bealde Drihten.

Sealm 142:6

Beheald mine sawle, ­ ­ ­ ­ ­hæleþa wealdend, for þon ic geeadmeded eom ­ ­ ­ ­ ­ungemete swiðe. Alys me fram laþum; ­ ­ ­ ­ ­hi me lungre synt ealle ofer me ­ ­ ­ ­ ­ungemete strange.

Sealm 143:1

Drihten, min gebed ­ ­ ­ ­ ­deore gehyre, and mid earum onfoh ­ ­ ­ ­ ­ungemetum georne mine halsunge; ­ ­ ­ ­ ­heald me syððan on þinre soðfæstnesse ­ ­ ­ ­ ­and me on soðe gehyr.

Sealm 145:18

Neah is Drihten ­ ­ ­ ­ ­niþum eallum þe hine mid soðe hige ­ ­ ­ ­ ­seceað and ciegað and his willan her ­ ­ ­ ­ ­wyrceað georne

Sealm 18:20

And he me geald æfter minre rihtwisnesse, and æfter þære unscæðfulnesse minra handa he me geald,

Sealm 18:44

hy onhyldan heora earan to minum wordum and gehyrdon me.

Sealm 43:1

Dem me, Dryhten, and do sum toscead betwuh me and unrihtwisum folce, and from facenfullum menn and unrihtwisum gefriða me,

Sealm 5:2

and ðenc þara worda minra gebeda, for ðam ic gebidde on dægred to ðe.

Sealm 54:4

Efne me þonne God ­ ­ ­ ­ ­gleawe fultumeð, is andfengea ­ ­ ­ ­ ­ece Drihten sawle minre; ­ ­ ­ ­ ­he me swican ne wile.

Sealm 55:18

A ðu symle ­ ­ ­ ­ ­sawle mine lustum alyse, ­ ­ ­ ­ ­laðum wiðferige, for ðon me manige ymb ­ ­ ­ ­ ­mægene syrewað.

Sealm 61:1

Gehyr, halig God, ­ ­ ­ ­ ­hraþe mine bene, beheald mine gebed ­ ­ ­ ­ ­holde mode;

Sealm 61:2

nu ic of eorðan ­ ­ ­ ­ ­utgemærum cleopige to þe, ­ ­ ­ ­ ­nu me caru beateð heard æt heortan, ­ ­ ­ ­ ­help min nu þa;

Sealm 66:19

Forðon me gehyrde ­ ­ ­ ­ ­hælend Drihten, and minre stefne beheold ­ ­ ­ ­ ­strange bene.

Sealm 7:8

Drihten, dem folcum and dem me. Drihten, dem me æfter minum gewyrhtan, and dem me æfter minre unscæðfulnesse.

Sealm 84:9

Beseoh Drihten nu, ­ ­ ­ ­ ­scyldend usser; oncnaw onsyne ­ ­ ­ ­ ­cristes þines.

Sealm 86:1

Ahyld me þin eare, ­ ­ ­ ­ ­halig Drihten; forðon ic eom wædla, ­ ­ ­ ­ ­þu me wel gehyr, and ic sylfa eom ­ ­ ­ ­ ­sorhfull þearfa.

Sealm 86:6

Þu mid earum onfoh, ­ ­ ­ ­ ­ece Drihten, min agen gebed, ­ ­ ­ ­ ­and eac beheald, hu ic stefne to ðe ­ ­ ­ ­ ­stundum cleopige.

Sealm 88:3

Forðon is sawl min ­ ­ ­ ­ ­sares and yfeles fæste gefylled; ­ ­ ­ ­ ­is min feorh swylce to helldore ­ ­ ­ ­ ­hylded geneahhe.