Sealm 16:7 - Anglo-Saxon Psalms c.890-950 AD

⁷ Ic bletsige þone Drihten þe me sealde andgit. Ac þeah he me þara uterrena gewinna gefreode, þeah winnað wið me þa inran unrihtlustas dæges and nihtes, þæt ic ne eom, þeah, eallunga orsorh.

Sealm 16:7 Iomraidhean Croise

Sealm 119:148

Þe eagan mine ­ ­ ­ ­ ­eac forecoman; on ærmergen ­ ­ ­ ­ ­ic elne ongann þine spræce ­ ­ ­ ­ ­spyrian georne.

Sealm 119:55

Nede þæt gemunde ­ ­ ­ ­ ­gehwylcre, þæt ic naman þinne ­ ­ ­ ­ ­nemde Dryhten and ic æ þine ­ ­ ­ ­ ­elne heolde.

Sealm 119:7

Ic þe andette, ­ ­ ­ ­ ­ece Dryhten, mid minre heortan ­ ­ ­ ­ ­holde geþance on þan þe ic geleornode ­ ­ ­ ­ ­and gelæstan mæg, þæt ic þine domas ­ ­ ­ ­ ­dædum healde.

Sealm 17:3

Þu hæfst afandod min mod, and þu come to me on niht and me gemettest unrotne, and me sude mid þam fyre monegra earfoða, swa swa gold oþþe seolfor; and þu ne fundest on me nan unriht wiþ hi.

Sealm 22:2

Ic clypige dæges and nihtes to ðe, and andette mine scylda and seofige min ungelimp, and þu hit ne gehyrst. Ac ne understand þu hit me to unrihtwisnesse, for ðæm ic þe na ne oðwite þæt þu me ne gehyrst, ac minum agnum scyldum ic hit wite.

Sealm 42:8

On dæg bebead God his mildheortnesse cuman to me, me to gefriþianne wið þyssum yrmðum; and on niht he us bebead þæt we sceoldon singan his sang. Mid me beoð symble gearo gebedu to þam Gode þe me libbendne þanon gelædde.

Sealm 63:6

Swa ic þin gemynd ­ ­ ­ ­ ­on modsefan on minre reste ­ ­ ­ ­ ­rihte begange, and on ærmergen on ðe ­ ­ ­ ­ ­eac gewene,

Sealm 73:21

Ys minre heortan hige ­ ­ ­ ­ ­hluttor and clæne, wærun mine ædra ­ ­ ­ ­ ­ealle tolysde,

Sealm 73:24

and me mid þinon willan ­ ­ ­ ­ ­well gelæddest, and me þa mid wuldres ­ ­ ­ ­ ­welan gename.

Sealm 77:2

Ic on earfoðdæge ­ ­ ­ ­ ­ecne Drihten sohte mid handum ­ ­ ­ ­ ­swyþe geneahhe, and ic on niht for him ­ ­ ­ ­ ­neode eode; næs ic on þam siðe ­ ­ ­ ­ ­beswicen awiht. And ic swiðe wiðsoc ­ ­ ­ ­ ­sawle minre fælre frofre; ­ ­ ­ ­ ­

Sealm 77:6

Ic þa mid heortan ongann ­ ­ ­ ­ ­hycggean nihtes; wæs min gast on me ­ ­ ­ ­ ­georne gebysgad.