Sealm 148:13 - Anglo-Saxon Psalms c.890-950 AD

¹³ For þon his anes nama ­ ­ ­ ­ ­ofer ealle is ahafen healice ­ ­ ­ ­ ­hæleða ealra; is upp ahafen ­ ­ ­ ­ ­his andetness heah ofer myclum ­ ­ ­ ­ ­heofone and eorðan.

Sealm 148:13 Iomraidhean Croise

Sealm 108:4

Is þin mildheort mod ­ ­ ­ ­ ­mycel oð heofenas ahafen healice ­ ­ ­ ­ ­ofer hæleða bearn; ys þin soðfæstnes ­ ­ ­ ­ ­seted oþ wolcen.

Sealm 113:4

He is ofer ealle ­ ­ ­ ­ ­ingeþeode se heahsta ­ ­ ­ ­ ­hæleða cynnes, is ofer heofenas eac ­ ­ ­ ­ ­ahafen his wuldur.

Sealm 57:6

Fotum heo minum ­ ­ ­ ­ ­fæcne grine grame gearwodon, ­ ­ ­ ­ ­and geornlice mine sawle ­ ­ ­ ­ ­swyðe onbigdon. Hi deopne seað ­ ­ ­ ­ ­dulfon widne, þær ic eagum ­ ­ ­ ­ ­on locade, and hi on ðone ylcan ­ ­ ­ ­ ­eft gefeollan.

Sealm 72:19

si his mihta nama ­ ­ ­ ­ ­mode gebletsad on ecnesse ­ ­ ­ ­ ­awa to worlde. And þeos eorðe si ­ ­ ­ ­ ­eall gefylled, þurh his wuldres miht. ­ ­ ­ ­ ­Wese swa, wese swa!

Sealm 8:1

1 Eala, Drihten, ure God, hu wundorlic þin nama ys geond ealle eorðan, for þam ahefen ys þin myclung ofer heofonas.

Sealm 8:2

Ge furðum, of ðæra cilda muðe þe meolc sucað, þu byst hered. Þæt hi doð to bysmore þinum feondum, for ðam þu towyrpest þine fynd and ealle þa þe unrihtwisnesse ladiað and scyldað.

Sealm 8:9

Drihten, Drihten, ure God, hu wuldorlic þin nama ys geond ealle eorðan.

Sealm 99:9

Hebbað urne god, ­ ­ ­ ­ ­hælend Drihten, and hine on halgum ­ ­ ­ ­ ­her weorbiað mærum beorge; ­ ­ ­ ­ ­for ðon his meahte synt and halig is ­ ­ ­ ­ ­heofonrices weard.