Sealm 147:5 - Anglo-Saxon Psalms c.890-950 AD

⁵ Micel is ure ­ ­ ­ ­ ­mihtig Drihten, and his mægen is micel ­ ­ ­ ­ ­and mihtum strang; ne his snytru mæg ­ ­ ­ ­ ­secgean ænig, on þyssum ealdre ­ ­ ­ ­ ­æfre ariman.

Sealm 147:5 Iomraidhean Croise

Sealm 135:5

Ic þæt gearwe ongeat, ­ ­ ­ ­ ­þæt is god and mycel Drihten ure; ­ ­ ­ ­ ­for þon him dom standeð ofer ealle godu ­ ­ ­ ­ ­eorðbuendra.

Sealm 145:3

Mycel is Drihten, ­ ­ ­ ­ ­hine man mægene sceal holde mode ­ ­ ­ ­ ­herian swiðe; nis his micelmodes ­ ­ ­ ­ ­mægenes ende.

Sealm 40:5

Drihten, min God, þu gemanigfealdodest þin wundru and þine geðohtas (þæt ys, þin weorc); nis nan þæra þe þe gelic seo. Ic spræc and þæt sæde, for ðam hy wæran gemanigfealdode ofer ælc gerim.

Sealm 48:1

Mycel ys se Drihten ure God, and swyþe to herianne on þære byrig ures Drihtnes and on his þam halgan munte.

Sealm 96:4

He is se mycla god; ­ ­ ­ ­ ­for þon hine mæn sculon elne herian; ­ ­ ­ ­ ­he is egeslic god ofer ealle godu ­ ­ ­ ­ ­eorðbuendra.

Sealm 99:2

Drihten is on Sion, ­ ­ ­ ­ ­dema se mæsta, heah and mære ­ ­ ­ ­ ­ofer eall hæleða folc.