Sealm 143:8 - Anglo-Saxon Psalms c.890-950 AD

⁸ Gedo þæt ic gehyre ­ ­ ­ ­ ­holde on morgene þine mildheortnesse, ­ ­ ­ ­ ­mihtig Drihten, for þon ic hycge to ðe, ­ ­ ­ ­ ­helpe gelyfe. Do me wegas wise, ­ ­ ­ ­ ­þæt ic wite gearwe on hwylcne ic gange ­ ­ ­ ­ ­gleawe mode; nu ic to Drihtnes ­ ­ ­ ­ ­dome wille mine sawle ­ ­ ­ ­ ­settan geornast.

Sealm 143:8 Iomraidhean Croise

Sealm 119:34

Syle me andgit eac, ­ ­ ­ ­ ­þæt ic æ þine smeage mid soðe, ­ ­ ­ ­ ­swylce healde on ealre minre heortan ­ ­ ­ ­ ­holde mode.

Sealm 119:73

Handa me ðine ­ ­ ­ ­ ­holde geworhton and gehiwedan ­ ­ ­ ­ ­mid higecræfte; syle me nu andgyt, ­ ­ ­ ­ ­þæt ic eall mæge þine bliðe bebodu ­ ­ ­ ­ ­beorhte leornian.

Sealm 143:10

lær me, hu ic þinne willan ­ ­ ­ ­ ­wyrce and fremme, for þon þu min god eart, ­ ­ ­ ­ ­þu me god dydest. Me þin se gōda gast ­ ­ ­ ­ ­gleawe lædde, þæt ic on rihtne weg ­ ­ ­ ­ ­reðne ferde;

Sealm 25:20

Geheald mine sawle and gefriða me, þæt me ne sceamie þæs þe ic to þe clypige.

Sealm 27:11

Gesete me æ, Drihten, on þinum wege, and gerece me on rihtne pæð fore minum feondum,

Sealm 30:5

for þam open wracu ys on his yrsunga, and soð lif on þam, þæt man wrece his willan. Þeah we wepon on æfen, he gedeð þæt we hlihhað on morgen.

Sealm 32:8

Þa andswarode God þam witegan þurh þæne Halgan Gast and cwæð: “Ic þe sylle andgit and þe getæce þone weg þe þu onsteppan scealt, and ic locie to þe mid minum eagum.

Sealm 42:8

On dæg bebead God his mildheortnesse cuman to me, me to gefriþianne wið þyssum yrmðum; and on niht he us bebead þæt we sceoldon singan his sang. Mid me beoð symble gearo gebedu to þam Gode þe me libbendne þanon gelædde.

Sealm 46:5

For þam ne wyrð seo burh næfre onwend, þa hwile þe God byð unonwendedlic on hire midle. God hyre gehealp swyþe ær on morgen.

Sealm 5:8

Drihten, læd me on þine rihtwisnesse fram minra feonda willan; geriht minne weg beforan þinre ansyne (se weg ys min weorc),

Sealm 59:16

Ic þonne ðine strengþu ­ ­ ­ ­ ­stundum singe and ðin milde mod ­ ­ ­ ­ ­morgena gehwylce. Forðon þu min andfengea ­ ­ ­ ­ ­æghwær wære and ic helpe æt ðe ­ ­ ­ ­ ­hæfde symble, þonne me costunge ­ ­ ­ ­ ­cnysedon geneahhige;

Sealm 86:4

do þines scealces ­ ­ ­ ­ ­sawle bliðe, forðon ic hi to ðe ­ ­ ­ ­ ­hebbe genehhige.

Sealm 90:14

We synd gefyllede ­ ­ ­ ­ ­fægere on mergenne þinre mildheortnesse; ­ ­ ­ ­ ­þæs we on mode nu habbað ealle dagas ­ ­ ­ ­ ­æþele blisse.