Sealm 143:7 - Anglo-Saxon Psalms c.890-950 AD

⁷ gehyr me hrædlice, ­ ­ ­ ­ ­hæl me syþþan. Nu me deope is, ­ ­ ­ ­ ­Drihten leofa, min sylfes gast ­ ­ ­ ­ ­swær geworden, ne awend fram me, ­ ­ ­ ­ ­wuldres ealdur, þine ansyne; ­ ­ ­ ­ ­wese ic earmum gelic þe on sweartne grund ­ ­ ­ ­ ­syþþan astigað.

Sealm 143:7 Iomraidhean Croise

Sealm 102:2

Na þu andwlitan ­ ­ ­ ­ ­æfre þinne awend fram me, ­ ­ ­ ­ ­wuldres ealdor; gif ic geswenced sy, ­ ­ ­ ­ ­þu swæs to me þin eare onhyld ­ ­ ­ ­ ­and me ofestlice gehyr, heofenes weard, ­ ­ ­ ­ ­helpys benan.

Sealm 22:24

for þam he na forsyhð ne ne awyrpð earmra manna gebeda; ne he his andwlitan ne awende fram me, ac þonne ic clypode to him, þonne gehyrde he me.”

Sealm 27:9

Ne awend þu þine ansyne fram me, ne þe næfre yrringa acyr fram þinum þeowe. Þu eart min fultumend, Drihten: ne forlæt me, ne ne forseoh me, Drihten, min hælend.

Sealm 28:1

To þe ic hopige, Drihten, min God; ne swuga, ac dem and miltsa me. Gif þu swa ne dest, þonne beo ic gelicost þam þe afylð on pytt.

Sealm 40:17

Ic eom yrming and þearfa, and þeah Dryhten min gymð. Þu, Drihten, eart min friðiend and min gefultumend and min gescyldend; Drihten, min God, ne yld nu þæt þu me arie.

Sealm 69:17

Ne acyr þu æfre fram þinum cnihte ­ ­ ­ ­ ­þin clæne gesyhð, forþan me feondas to ­ ­ ­ ­ ­feohtað geneahhe; gehyr me hrædlice ­ ­ ­ ­ ­and me help freme.

Sealm 69:18

Beheald mine sawle ­ ­ ­ ­ ­and hi hrædlice alys and wiðfere ­ ­ ­ ­ ­laþum feondum.

Sealm 69:3

Þær ic werigmod ­ ­ ­ ­ ­wann and cleopode, þæt me grame syndan ­ ­ ­ ­ ­goman hase; byð me æt þam earon ­ ­ ­ ­ ­eagon wiðgangen; hwæðere ic on God minne ­ ­ ­ ­ ­gearewe gewene.

Sealm 70:5

Ic eom wædla ­ ­ ­ ­ ­and worldþearfa; gefultuma me, god, ­ ­ ­ ­ ­frea ælmihtig. Þu me fultum eart ­ ­ ­ ­ ­fæste, Drihten, eart alysend min; ­ ­ ­ ­ ­ne lata þu awiht.

Sealm 71:12

Ne ofgif þu me huru, ­ ­ ­ ­ ­god ælmihtig; beseoh þu me, soð god, ­ ­ ­ ­ ­symble on fultum.

Sealm 84:2

a ic on mode þæs willum hæfde, ­ ­ ­ ­ ­þet ic him wunude onn. Heorte min and flæsc ­ ­ ­ ­ ­hyhtað georne on þone lifigendan ­ ­ ­ ­ ­leofan Drihten;