Sealm 143:3 - Anglo-Saxon Psalms c.890-950 AD

³ For þon mine sawle ­ ­ ­ ­ ­swiðe feondas ealle ehtan ­ ­ ­ ­ ­ungemete strange, habbað me gehnæged ­ ­ ­ ­ ­heanne to eorðan and min lif swylce ­ ­ ­ ­ ­gelytlad is. Hi me on digle ­ ­ ­ ­ ­deorce stowe settan sarlice ­ ­ ­ ­ ­samed anlice, swa þu worulddeade ­ ­ ­ ­ ­wrige mid foldan;

Sealm 143:3 Iomraidhean Croise

Sealm 142:6

Beheald mine sawle, ­ ­ ­ ­ ­hæleþa wealdend, for þon ic geeadmeded eom ­ ­ ­ ­ ­ungemete swiðe. Alys me fram laþum; ­ ­ ­ ­ ­hi me lungre synt ealle ofer me ­ ­ ­ ­ ­ungemete strange.

Sealm 35:4

Geleahtrode syn mine fynd, and sceamien heora þa þa secað mine sawle to fordonne. Syn hi gecyrde on earsling and scamien heora, þa þe me ðenceað yfeles.

Sealm 54:3

For þam me fremde oft ­ ­ ­ ­ ­facne gestodon, sohtan mine sawle ­ ­ ­ ­ ­swiðe strange, and na heom God setton ­ ­ ­ ­ ­gleawne on gesyhðe.

Sealm 7:5

and secan mine fynd mine sawle and þa gefon, and oftreden on eorðan min lif, and minne weorðscipe to duste gewyrcen.

Sealm 7:6

Aris, Drihten, on þinum yrre, and ræs on minra feonda mearce, and geweorða þe sylfne þara. Aris, Drihten, to þinum gehate, and do swa swa þu gehete - þæt wæs, þæt þu woldest helpan unscyldegum.