Sealm 143:11 - Anglo-Saxon Psalms c.890-950 AD

¹¹ for naman þines ­ ­ ­ ­ ­neodweorðunge, Drihten usser, ­ ­ ­ ­ ­do me halne, þæt ic on ðinum rihte ­ ­ ­ ­ ­rædfæst lifige. And þu of costunge ­ ­ ­ ­ ­clæne alæddest sawle mine, ­ ­ ­ ­ ­þær heo syððan forð

Sealm 143:11 Iomraidhean Croise

Sealm 119:107

And ic eadmedu ­ ­ ­ ­ ­ungemetum georne efnan þence; ­ ­ ­ ­ ­forgif me, ece God, þæt ic æfter ðinum wordum ­ ­ ­ ­ ­weorðe bliðe.

Sealm 119:25

Ætfealh min sawul ­ ­ ­ ­ ­flore geneahhige; do me æfter þinum wordum ­ ­ ­ ­ ­wel gecwician.

Sealm 119:37

Gewend þu mine eagan, ­ ­ ­ ­ ­þy læs ic weorc idel gese þurh synne, ­ ­ ­ ­ ­ac me on soðne weg þinne þone leofan ­ ­ ­ ­ ­læde cwiculice.

Sealm 119:40

Efne ic þine bebodu ­ ­ ­ ­ ­bealde wolde wis wylle gegan; ­ ­ ­ ­ ­wene ic swylce, þæt þu me on rihtes ­ ­ ­ ­ ­ræd gecwycige.

Sealm 119:88

Æfter ðinre þære myclan ­ ­ ­ ­ ­mildheortnesse weorð me, mihtig God, ­ ­ ­ ­ ­milde and bliðe; and ic gewitnesse ­ ­ ­ ­ ­wel gehealde muþes þines, ­ ­ ­ ­ ­þe þu men lærdest.

Sealm 138:7

Þeah þe ic on midle ­ ­ ­ ­ ­mānes gange, þær me costunga ­ ­ ­ ­ ­cnyðdan geneahhe, a þu me weredest ­ ­ ­ ­ ­wraþum feondum þe me woldan yrre ­ ­ ­ ­ ­on acyðan; þu me geræhtest ­ ­ ­ ­ ­recene mid handa and me þin swyðre ­ ­ ­ ­ ­sneome hælde.

Sealm 143:1

Drihten, min gebed ­ ­ ­ ­ ­deore gehyre, and mid earum onfoh ­ ­ ­ ­ ­ungemetum georne mine halsunge; ­ ­ ­ ­ ­heald me syððan on þinre soðfæstnesse ­ ­ ­ ­ ­and me on soðe gehyr.

Sealm 25:11

Drihten, for þinum naman beo þu forgifende mina synna, for þy hi synt swyðe mycele.

Sealm 25:17

And þa earfoðu minre heortan synd swyðe tobræd and gemanigfealdod; gedo for þi, Drihten, þæt þu me gefriðie æt minre nydþearfe.

Sealm 31:1

To þe ic hopige, Drihten; ne gesceamað me næfre þæs. On þinre rihtwisnesse alys me and gefriða me.

Sealm 34:19

Monigu synt earfoðu þara rihtwisena, and of eallum þæm hi alysð Drihten.

Sealm 71:2

þu me sniome alys ­ ­ ­ ­ ­þuruh þine þa swiþeran miht. Ahyld me þin eare to ­ ­ ­ ­ ­holde mode, and me lustum alys; ­ ­ ­ ­ ­

Sealm 85:6

gecyr us georne to ðe, ­ ­ ­ ­ ­Crist ælmihtig, and ðin folc on ðe ­ ­ ­ ­ ­gefeo swiðe.