Sealm 140:6 - Anglo-Saxon Psalms c.890-950 AD

⁶ Ic þa to Drihtne cwæð: ­ ­ ­ ­ ­“þu me eart dyre god; gehyr min gebed, ­ ­ ­ ­ ­halig Drihten, nu ic stefne to þe ­ ­ ­ ­ ­styrme hlude.”

Sealm 140:6 Iomraidhean Croise

Sealm 116:1

Ic lufie þe, ­ ­ ­ ­ ­leofa Drihten, forþan þu mines gebedes ­ ­ ­ ­ ­bene gehyrdest.

Sealm 119:57

Me ys on dæle, ­ ­ ­ ­ ­Dryhten user, cwide cynlice, ­ ­ ­ ­ ­þæt ic cwic wylle þine æ healdan ­ ­ ­ ­ ­elne mycle.

Sealm 130:2

Drihten, Drihten, ­ ­ ­ ­ ­do þu nu ða, þæt þu mines gebedes ­ ­ ­ ­ ­bene gehyre. Wesan þine earan ­ ­ ­ ­ ­eac gehyrende and beheldende ­ ­ ­ ­ ­mid hige swylce on eall gebedd ­ ­ ­ ­ ­esnes þines.

Sealm 142:4

geseah on þa swyðran, ­ ­ ­ ­ ­ne me sylfne þær ænig mid gode ­ ­ ­ ­ ­ongitan wolde. Ða me eac frecne fram ­ ­ ­ ­ ­fleam gedydan, næs þa þe mine sawle ­ ­ ­ ­ ­secean wolde,

Sealm 142:5

þa ic to þe, Drihten, ­ ­ ­ ­ ­digle cleopode and sona cwæð : ­ ­ ­ ­ ­“Þu eart min se soða hiht; eart þu on lifigendra ­ ­ ­ ­ ­lande swylce se gedefa dæl, ­ ­ ­ ­ ­Drihten, æghwær.”

Sealm 143:1

Drihten, min gebed ­ ­ ­ ­ ­deore gehyre, and mid earum onfoh ­ ­ ­ ­ ­ungemetum georne mine halsunge; ­ ­ ­ ­ ­heald me syððan on þinre soðfæstnesse ­ ­ ­ ­ ­and me on soðe gehyr.

Sealm 16:2

Hu, ne sæde ic þe, Drihten, þæt þu eart min God, for þam þu me eall þa good sealdest þe ic hæbbe, and þe heora nan nydþerf nis eft on me to nimene.

Sealm 31:14

And ic, þeah, Drihten, to þe hopode and sæde þæt þu wære min God;

Sealm 57:7

Gearo is min heorte ­ ­ ­ ­ ­þæt ic Gode cweme; gearo is min heorte ­ ­ ­ ­ ­þæt ic Gode swylce sealmas singe, ­ ­ ­ ­ ­soðword sprece.

Sealm 64:1

Gehyr min gebed, ­ ­ ­ ­ ­halig Drihten, nu me costunge ­ ­ ­ ­ ­cnyssað geneahhe, and wið egesan ­ ­ ­ ­ ­yfeles feondes mine sawle gescyld ­ ­ ­ ­ ­symle æt þearfe.

Sealm 91:2

Ic to Drihtne cwæð: ­ ­ ­ ­ ­“Þu me dyre eart fæle fultum; ­ ­ ­ ­ ­hæbbe ic freond on him, min se gōda God, ­ ­ ­ ­ ­and ic on ðe geare hycge.”