Sealm 140:5 - Anglo-Saxon Psalms c.890-950 AD

⁵ Þa on hyge þohtan, ­ ­ ­ ­ ­þæt hi ahyltan me and minne gang ­ ­ ­ ­ ­georne swylce, forhyddan oferhygde me ­ ­ ­ ­ ­inwitgyrene, wraðan wealsadan ­ ­ ­ ­ ­wundnum rapum; woldan mine fotas ­ ­ ­ ­ ­gefæstnian, settan me swyce, ­ ­ ­ ­ ­þær ic siþade.

Sealm 140:5 Iomraidhean Croise

Sealm 119:110

Me firenfulle fæcne gyrene awriþan wraðe, ­ ­ ­ ­ ­and ne wolde ic fram þinum bebodum ­ ­ ­ ­ ­feor geswican.

Sealm 119:69

Ys nu mænigfeald ofer me ­ ­ ­ ­ ­man and unriht oferhydigra; ­ ­ ­ ­ ­ic nu mid ealre minre heortan hige ­ ­ ­ ­ ­hycge swiðe, þæt ic þin bebod ­ ­ ­ ­ ­beorht atredde.

Sealm 119:85

Me manwyrhtan ­ ­ ­ ­ ­manige on spellum sægdon soðlice; ­ ­ ­ ­ ­na ic hit swa oncneow, swa hit þin æ hafað, ­ ­ ­ ­ ­ece Dryhten.

Sealm 142:3

Gif mine grame þenceað ­ ­ ­ ­ ­gast teorian, and þu mine stige ­ ­ ­ ­ ­strange ongeate. On þyssum grenan wege, ­ ­ ­ ­ ­þe ic gange on, me oferhydige ­ ­ ­ ­ ­æghwær setton gearwe grine; ­ ­ ­ ­ ­geara ic sceawade,

Sealm 31:4

And alæd me of þysum grynum þe her gehydde synt beforan me, for þam þu eart min gescyldend, Drihten;

Sealm 35:7

for þam hi butan gewyrhtum teldedon gryne and þa gehyddon, to þam þæt hi woldan me an gefon; and idle hi wæron, þa hi me tældon.

Sealm 36:11

Ne læt þu me oftredan þa ofermodan under heora fotum, and þara synfullena handa me na ne styrien,

Sealm 43:1

Dem me, Dryhten, and do sum toscead betwuh me and unrihtwisum folce, and from facenfullum menn and unrihtwisum gefriða me,

Sealm 57:6

Fotum heo minum ­ ­ ­ ­ ­fæcne grine grame gearwodon, ­ ­ ­ ­ ­and geornlice mine sawle ­ ­ ­ ­ ­swyðe onbigdon. Hi deopne seað ­ ­ ­ ­ ­dulfon widne, þær ic eagum ­ ­ ­ ­ ­on locade, and hi on ðone ylcan ­ ­ ­ ­ ­eft gefeollan.