Sealm 139:24 - Anglo-Saxon Psalms c.890-950 AD

²⁴ And þu sylfa geseoh, ­ ­ ­ ­ ­gif ic on swiculne weg oþþe on unrihte ­ ­ ­ ­ ­ahwær eode; gelæd me þonne, ­ ­ ­ ­ ­lifes ealdor, þæt ic on ecne weg ­ ­ ­ ­ ­æghwær gange.

Sealm 139:24 Iomraidhean Croise

Sealm 119:1

Eadige beoð on wege, ­ ­ ­ ­ ­þa þe unwemme on hiora dryhtnes æ ­ ­ ­ ­ ­deore gangað.

Sealm 119:32

Nu ic on wisne weg ­ ­ ­ ­ ­worda þinra reðne rinne, ­ ­ ­ ­ ­and þu rice nu mine heortan geheald ­ ­ ­ ­ ­on hyge brade.

Sealm 143:10

lær me, hu ic þinne willan ­ ­ ­ ­ ­wyrce and fremme, for þon þu min god eart, ­ ­ ­ ­ ­þu me god dydest. Me þin se gōda gast ­ ­ ­ ­ ­gleawe lædde, þæt ic on rihtne weg ­ ­ ­ ­ ­reðne ferde;

Sealm 143:8

Gedo þæt ic gehyre ­ ­ ­ ­ ­holde on morgene þine mildheortnesse, ­ ­ ­ ­ ­mihtig Drihten, for þon ic hycge to ðe, ­ ­ ­ ­ ­helpe gelyfe. Do me wegas wise, ­ ­ ­ ­ ­þæt ic wite gearwe on hwylcne ic gange ­ ­ ­ ­ ­gleawe mode; nu ic to Drihtnes ­ ­ ­ ­ ­dome wille mine sawle ­ ­ ­ ­ ­settan geornast.

Sealm 16:11

Þu me gedydest lifes wegas cuðe, and gefylst me mid gefean beforan þinre ansyne; for ælc riht lustbærnes cymð þurh þinne fultum þæm þe heo cimð on ecnesse.

Sealm 17:3

Þu hæfst afandod min mod, and þu come to me on niht and me gemettest unrotne, and me sude mid þam fyre monegra earfoða, swa swa gold oþþe seolfor; and þu ne fundest on me nan unriht wiþ hi.

Sealm 27:11

Gesete me æ, Drihten, on þinum wege, and gerece me on rihtne pæð fore minum feondum,

Sealm 5:8

Drihten, læd me on þine rihtwisnesse fram minra feonda willan; geriht minne weg beforan þinre ansyne (se weg ys min weorc),