Sealm 135:13 - Anglo-Saxon Psalms c.890-950 AD

¹³ Ys þin nama, Drihten, ­ ­ ­ ­ ­nemned ece, and þin gemynd, ­ ­ ­ ­ ­mihtig Drihten, on ealra worulda woruld ­ ­ ­ ­ ­wynnum standeð.

Sealm 135:13 Iomraidhean Croise

Sealm 102:12

Þu on ecnysse wunast ­ ­ ­ ­ ­awa, Drihten; wunað þin gemynd, ­ ­ ­ ­ ­þenden woruld standeð.

Sealm 102:13

Aris nu, mihtig god, ­ ­ ­ ­ ­miltsa Sione; nu is hire helpe ­ ­ ­ ­ ­heahsæl cumen.

Sealm 102:21

Þonne byð on Sione sægd ­ ­ ­ ­ ­soð nama Drihtnes, and his lof swylce, ­ ­ ­ ­ ­leoda bearnum, on Hierusalem ­ ­ ­ ­ ­gleawast and mærust.

Sealm 72:17

Þonne byð his nama ­ ­ ­ ­ ­ofer eall niða bearn and to widan feore ­ ­ ­ ­ ­weorðeð gebletsod; ær sunnan his nama ­ ­ ­ ­ ­soðfæst standeð, byð his setl ær ­ ­ ­ ­ ­swylce þonne mona. And him byð eorþan cynn ­ ­ ­ ­ ­eall gebletsad; ealle hine þeoda ­ ­ ­ ­ ­þriste heriað.

Sealm 8:1

1 Eala, Drihten, ure God, hu wundorlic þin nama ys geond ealle eorðan, for þam ahefen ys þin myclung ofer heofonas.

Sealm 8:9

Drihten, Drihten, ure God, hu wuldorlic þin nama ys geond ealle eorðan.

Sealm 89:1

Mildheortnesse þine, ­ ­ ­ ­ ­mihtig Drihten, ic on ecnesse ­ ­ ­ ­ ­awa singe; fram cynne on cynn ­ ­ ­ ­ ­and on cneorisse ic þine soðfæstnesse ­ ­ ­ ­ ­secge geneahhe on minum muþe ­ ­ ­ ­ ­manna cynne.