Sealm 128:3 - Anglo-Saxon Psalms c.890-950 AD

³ Beoð þines wifes ­ ­ ­ ­ ­welan gelice, swa on wingearde ­ ­ ­ ­ ­weaxen berigean, and on þines huses ­ ­ ­ ­ ­hwommum genihtsum. Synd þine bearn swylce ­ ­ ­ ­ ­samed anlicast, swa elebeamas ­ ­ ­ ­ ­æþele weaxen, ymb þinne beod utan ­ ­ ­ ­ ­blæda standen.

Sealm 128:3 Iomraidhean Croise

Sealm 127:3

þæt is yrfe eac ­ ­ ­ ­ ­ecean Drihtnes and herde bearn, ­ ­ ­ ­ ­þa her mannum beoð of innaðe ­ ­ ­ ­ ­ærest cende.

Sealm 127:5

Þæt bið eadig wer, ­ ­ ­ ­ ­se ðe a þenceð, þæt he his lust on ðon ­ ­ ­ ­ ­leofne gefylle; ne bið he on ealdre ealre ­ ­ ­ ­ ­æfre gescended, þonne he on gaton greteð ­ ­ ­ ­ ­his grame feondas.

Sealm 144:12

Þara bearn swylce ­ ­ ­ ­ ­begað æþelum settum beamum ­ ­ ­ ­ ­samed anlice, standað on staðule ­ ­ ­ ­ ­stiðe wið geoguðe. Wærun heora dohtru ­ ­ ­ ­ ­deore gesette and ymb frætwum ­ ­ ­ ­ ­utan gegyrede, efne anlicast ­ ­ ­ ­ ­æþelum temple.

Sealm 52:8

Ic þonne swa elebeam ­ ­ ­ ­ ­up weaxende on Godes huse ­ ­ ­ ­ ­ece gewene, and on milde mod ­ ­ ­ ­ ­mines Drihtnes, and me þæt to worulde ­ ­ ­ ­ ­wat to helpe.