Sealm 128:1 - Anglo-Saxon Psalms c.890-950 AD

¹ Eadige syndon ealle ­ ­ ­ ­ ­þe him ecne god Drihten ondrædað, ­ ­ ­ ­ ­and his gedefne weg on hyra lifes tid ­ ­ ­ ­ ­lustum gangað.

Sealm 128:1 Iomraidhean Croise

Sealm 103:1

Bletsa mine sawle ­ ­ ­ ­ ­bliðe Drihten and eall min inneran ­ ­ ­ ­ ­his þæne ecean naman.

Sealm 103:13

Swa fæder ðenceð ­ ­ ­ ­ ­fægere his bearnum milde weorðan, ­ ­ ­ ­ ­swa us mihtig god, þam þe hine lufiað, ­ ­ ­ ­ ­liðe weorðeð, for ðan he ealle can ­ ­ ­ ­ ­ure þearfe.

Sealm 103:17

Þin mildheortnes, ­ ­ ­ ­ ­mihtig Drihten, þurh ealra worulda woruld ­ ­ ­ ­ ­wislic standeð, deorust and gedefust ­ ­ ­ ­ ­ofer ealle þa þe ondrædað him.

Sealm 112:1

Eadig byð se wer ­ ­ ­ ­ ­se þe him ege Drihtnes on ferhðcleofan ­ ­ ­ ­ ­fæste gestandeð, and his bebod healdeð ­ ­ ­ ­ ­bealde mid willan.

Sealm 115:13

þu gebletsadest ­ ­ ­ ­ ­bliðe mode ealle þa þe on ðe ­ ­ ­ ­ ­egsan hæfdan, mycle and mæte ­ ­ ­ ­ ­ofer middangeard.

Sealm 119:1

Eadige beoð on wege, ­ ­ ­ ­ ­þa þe unwemme on hiora dryhtnes æ ­ ­ ­ ­ ­deore gangað.

Sealm 119:3

Ne magon manwyrhtan ­ ­ ­ ­ ­mægene feran on his mærne weg, ­ ­ ­ ­ ­mihtigan Drihtnes.

Sealm 120:1

Ic me to Drihtne ­ ­ ­ ­ ­deorum cleopode, þonne me costunga ­ ­ ­ ­ ­cnysdon geneahhe, and he me gehyrde ­ ­ ­ ­ ­holde mode.

Sealm 121:1

Hof ic mine eagan ­ ­ ­ ­ ­to þam hean beorge, þær ic fultum fand ­ ­ ­ ­ ­fælne æt þearfe.

Sealm 122:1

Ic on ðyssum eom ­ ­ ­ ­ ­eallum bliðe, þæt me cuðlice to ­ ­ ­ ­ ­acweden syndon, and on Godes hus ­ ­ ­ ­ ­gange syððan.

Sealm 123:1

To þe ic mine eagan hof, ­ ­ ­ ­ ­ece Drihten, þu þe heofonhamas ­ ­ ­ ­ ­healdest and wealdest.

Sealm 124:1

Nymþe us on wese ­ ­ ­ ­ ­ece Drihten, cweþað Israhelas ­ ­ ­ ­ ­ealle nu ða,

Sealm 125:1

Þa þe on Drihten heora ­ ­ ­ ­ ­dædum getreowað, hi beoð on Sionbeorge ­ ­ ­ ­ ­swyþe gelice; ne mæg hine on ealdre ­ ­ ­ ­ ­ænig onhreran þe eardfæst byð ­ ­ ­ ­ ­on Hierusalem.

Sealm 126:1

Þonne Drihten wyle ­ ­ ­ ­ ­gedon æfter, þæt he of Sione ­ ­ ­ ­ ­swære ahweorfe hæftned hefige, ­ ­ ­ ­ ­syððan we hraðe weorðað afrefrede ­ ­ ­ ­ ­fægere ealle.

Sealm 127:1

Nymþe hus timbrige ­ ­ ­ ­ ­halig Drihten, on idel gylp ­ ­ ­ ­ ­oðre winnað þe þæs huses ­ ­ ­ ­ ­hrof staðeliað. Nymðe gehealde eac ­ ­ ­ ­ ­halig Drihten ceastre mid cynnum, ­ ­ ­ ­ ­ne mæg hi cynlice wæccende ­ ­ ­ ­ ­weard gehealdan.

Sealm 147:11

Ac wel licað ­ ­ ­ ­ ­wuldres Drihtne, þa þe hine him ondrædað ­ ­ ­ ­ ­dædum and wordum, and on his milde mod ­ ­ ­ ­ ­mægene gewenað.

Sealm 81:13

Þær min agen folc, ­ ­ ­ ­ ­Israhela cynn, me mid gehygde ­ ­ ­ ­ ­hyran cuðan, oþþe on wegas mine ­ ­ ­ ­ ­woldan gangan,