Sealm 12:2 - Anglo-Saxon Psalms c.890-950 AD

² Idla spræca hi sprecað to heora nyhstum, facen hi sprecað mid heora weolorum, for þam hi nabbað on heora mode þæt hi on heora muðe sprecað, ac þencað yfel, þeah hi hwilum tela cweðen.

Sealm 12:2 Iomraidhean Croise

Sealm 10:7

His muð byð symle full wyrignessa and bitera worda and facnes and searuwa, and under his tungan byð ealne weg oþera manna sar and geswinc.

Sealm 116:11

Swylce ic sylfa cwæð, ­ ­ ­ ­ ­þa me swa ðuhte on modseofan ­ ­ ­ ­ ­minum geþancum, þæt wæron ealle menn ­ ­ ­ ­ ­ungemete lease.

Sealm 144:11

Alys me and oðlæd ­ ­ ­ ­ ­laþum wætrum, manegum merestreamum, ­ ­ ­ ­ ­mærum handum, þa me fremde bearn ­ ­ ­ ­ ­fæcne syndan. Þara muðas sprecað ­ ­ ­ ­ ­manidel word, byð hyra seo swiðre ­ ­ ­ ­ ­symble abysgad, þæt hi unrihtes ­ ­ ­ ­ ­awa tiligean.

Sealm 144:8

Þara muðas sprecað ­ ­ ­ ­ ­manidel word, bið hyra seo swiðre ­ ­ ­ ­ ­symble abysgod, þæt hi unrihtes ­ ­ ­ ­ ­elne tiligeað.

Sealm 28:3

Ne syle me, ne ne send mid þam synfullan, and mid þam unrihtwyrcendum ne forleos me, ne me ne fordo mid þam þe luflice sprecað to heora nyhstum and habbað, þeah, facn on heora heortan.

Sealm 38:12

Þa þe me hefigiað and mine sawle seceað - hu hy magon yfel don - sprecað idelnesse and smeagað facn ælce dæge.

Sealm 41:6

And þeah hy þæs lyste, þeah hy eodon into me and fandodon min and seofodon min sar. And þonne hy ut eodon from me, þonne worhton hy heora gemot; and wæran ealle anspræce þonne hy me leahtrodon and læðdon.

Sealm 5:9

for ðam on minra feonda muðe is leasuncg, and heora mod is swiðe idel. Heora mod and heora wilnuncg ys swa deop swa grundleas pytt, and heora tungan sprecað symle facn;

Sealm 55:21

Hi word hira ­ ­ ­ ­ ­wel gesmyredon ele anlicast; ­ ­ ­ ­ ­eft gewurdon on gescotfeohta ­ ­ ­ ­ ­scearpe garas.

Sealm 59:12

Ys hyra muðes scyld ­ ­ ­ ­ ­manworda feala, ða hi mid welerum ­ ­ ­ ­ ­wraðe aspræcan; wærun hi on oferhygde ­ ­ ­ ­ ­ealle gescende, þa hi on lige ­ ­ ­ ­ ­lange feredon;

Sealm 62:4

Swa ge mine are ­ ­ ­ ­ ­ealle þohton wraðe toweorpan, ­ ­ ­ ­ ­wide urnon þurstige muðe; ­ ­ ­ ­ ­þæne bletsadan and ðone wyrgedan ­ ­ ­ ­ ­wraðe mid heortan.