Sealm 119:86 - Anglo-Saxon Psalms c.890-950 AD

⁸⁶ Wærun þine ealle gebann ­ ­ ­ ­ ­æðele and soðfæst min ehtan oft ­ ­ ­ ­ ­unrihtwyrhtan; gefultuma me ­ ­ ­ ­ ­fægere, Drihten.

Sealm 119:86 Iomraidhean Croise

Sealm 109:26

help min, Drihten God, and me halne gedo, ­ ­ ­ ­ ­hælynde Crist, for þinre þære myclan ­ ­ ­ ­ ­mildheortnysse.

Sealm 119:128

For ðon ic eall þin bebod ­ ­ ­ ­ ­elne healde, and ic unrihte wegas ­ ­ ­ ­ ­ealle feoge.

Sealm 119:138

Hwæt, ðu soðfæst weorc ­ ­ ­ ­ ­symble hete on þinre gewitnesse ­ ­ ­ ­ ­wel gehealdan; ealles forgeaton, ­ ­ ­ ­ ­þa me grame wæron, worda þinra ­ ­ ­ ­ ­and me wa dydana.

Sealm 119:142

Is þin soðfæstnes ­ ­ ­ ­ ­symble, Drihten, seo soðfæste, ­ ­ ­ ­ ­and seo symble bið on ecnesse ­ ­ ­ ­ ­awa to feore; is þin swylce æðelnes ­ ­ ­ ­ ­and æ soðfæst.

Sealm 119:151

Wes me swiðe neah, ­ ­ ­ ­ ­wuldres Drihten; synt ealle þine wegas ­ ­ ­ ­ ­wise and cuðe.

Sealm 119:78

Beon þa oferhydegan ­ ­ ­ ­ ­ealle gescende, þe me unrihte ­ ­ ­ ­ ­ahwær gretan; ic þine bebodu ­ ­ ­ ­ ­bealde gegange.

Sealm 143:9

Afyrr me, frea Drihten, ­ ­ ­ ­ ­feondum minum; nu ic helpe to þe ­ ­ ­ ­ ­holde gelyfe;

Sealm 19:9

Godes ege is swiðe halig: he þurhwunað a worlda world. Godes domas synt swiðe soðe: hi synt gerihtwisode on him sylfum.

Sealm 35:19

for þæm þæt mine fynd ne blissien æfter me, þa þe winnað mid unrihte ongean me and me hatiað butan scylde, and wincettað mid heora eagum betwuh him.

Sealm 35:7

for þam hi butan gewyrhtum teldedon gryne and þa gehyddon, to þam þæt hi woldan me an gefon; and idle hi wæron, þa hi me tældon.

Sealm 38:19

Gyt libbað mine fynd and synt strengran þonne ic, and synt swiðe gemanigfealdode þa þe me mid unrihte hatiað.

Sealm 70:5

Ic eom wædla ­ ­ ­ ­ ­and worldþearfa; gefultuma me, god, ­ ­ ­ ­ ­frea ælmihtig. Þu me fultum eart ­ ­ ­ ­ ­fæste, Drihten, eart alysend min; ­ ­ ­ ­ ­ne lata þu awiht.