Sealm 119:81 - Anglo-Saxon Psalms c.890-950 AD

⁸¹ Min saul gewearð ­ ­ ­ ­ ­swancur on mode, þær ic on þinre hælu ­ ­ ­ ­ ­hogode and sohte, hu ic on þinum wordum ­ ­ ­ ­ ­wel getrywade.

Sealm 119:81 Iomraidhean Croise

Sealm 119:114

Þu me fultumian scealt, ­ ­ ­ ­ ­fæle gestandan and andfenga ­ ­ ­ ­ ­æghwær æt ðearfe, and ic on þin word ­ ­ ­ ­ ­wel getreowe.

Sealm 119:20

Þæt sawul min ­ ­ ­ ­ ­symble wilnað, þæt ic þin soðfæst word ­ ­ ­ ­ ­gesund mote on ealle tid ­ ­ ­ ­ ­elne healdan.

Sealm 119:40

Efne ic þine bebodu ­ ­ ­ ­ ­bealde wolde wis wylle gegan; ­ ­ ­ ­ ­wene ic swylce, þæt þu me on rihtes ­ ­ ­ ­ ­ræd gecwycige.

Sealm 119:41

And me ofer cume, ­ ­ ­ ­ ­ece Dryhten, þæt milde mod, ­ ­ ­ ­ ­mære hælu æfter þinre spræce ­ ­ ­ ­ ­spowendlice.

Sealm 119:42

And ic andwyrde ­ ­ ­ ­ ­þam þe me edwitstafas wordum wrað cweþað, ­ ­ ­ ­ ­þæt ic gewene on ðe and on þinum wordum ­ ­ ­ ­ ­wære hæbbe.

Sealm 119:43

Ne afyr þu me æfre ­ ­ ­ ­ ­fæle spræce, þa ic me on muðe ­ ­ ­ ­ ­mægene hæbbe, and ic soðfæst word ­ ­ ­ ­ ­on sylfan healde, þæt ic on ðinra doma ­ ­ ­ ­ ­dæde getreowige.

Sealm 119:74

Þa ðe on feore forhtigað, ­ ­ ­ ­ ­þa me on fægere geseoð and blissiað, ­ ­ ­ ­ ­bu geðenceað, þæt ic þinum wordum ­ ­ ­ ­ ­wel getreowde.

Sealm 119:77

Cumen me ðine miltsa ­ ­ ­ ­ ­mihtum geswyþede, and ic lange on þam ­ ­ ­ ­ ­lifian mote; forðon me is metegung ­ ­ ­ ­ ­on modsefan, hu ic æ þine ­ ­ ­ ­ ­efnast healde.

Sealm 130:5

forðon min sawl on þe ­ ­ ­ ­ ­symble getreoweð.

Sealm 73:26

Me is heorte and flæsc ­ ­ ­ ­ ­hearde geteorad; ys me heortan gehygd ­ ­ ­ ­ ­hyldu Drihtnes and ece dæl ­ ­ ­ ­ ­awa to worulde.

Sealm 84:2

a ic on mode þæs willum hæfde, ­ ­ ­ ­ ­þet ic him wunude onn. Heorte min and flæsc ­ ­ ­ ­ ­hyhtað georne on þone lifigendan ­ ­ ­ ­ ­leofan Drihten;