73 Handa me ðine holde geworhton and gehiwedan mid higecræfte; syle me nu andgyt, þæt ic eall mæge þine bliðe bebodu beorhte leornian.
witað wislice þæt he is wealdend God; he us geworhte and we his syndon. We his folc syndan and his fæle sceap, ða he on his edisce ealle afedde;
Þæt byð secga gehwam snytru on frymðe, þæt he godes egesan gleawe healde, and þæt byð andgit good eallum swylce þe hine wyllað well wyrcean and healdan. Herenes Drihtnes her sceal wunian, on worulda woruld wynnum standan.
Ic eom esne þin; syle andgit, þæt ic þine gewitnesse wel leornige.
Ys me þin gewitnes weorðast and rihtast, and ða me on ece andgyt hæbbe; syle me ða to soðe, and ic syþþan lifige.
Nu genealæceð neode minum gebedum bealde, þæt ic bidde nu on þinre gesihðe symble, Drihten; æfter þinre spræce syle me spedlice, þæt þu me generige niða gehwylces.
Syle me andgit eac, þæt ic æ þine smeage mid soðe, swylce healde on ealre minre heortan holde mode.
Drihten for me dome gylde, is his mildheortnes mycel on worulde; ne forseoh æfre, þæt þu sylfa ær mid þinum handum her geworhtest.
Cumað him fore and cneow bigeað on ansyne ures Drihtnes, and him wepan fore ðe us worhte ær.