Sealm 119:68 - Anglo-Saxon Psalms c.890-950 AD

⁶⁸ Gōd þu eart, Drihten, ­ ­ ­ ­ ­and me gōd swylce on þinum tile gelær, ­ ­ ­ ­ ­þæt ic teala cunne þin soðfæst weorc ­ ­ ­ ­ ­symble healdan.

Sealm 119:68 Iomraidhean Croise

Sealm 106:1

Ic andette ­ ­ ­ ­ ­ecum Drihtne, georne ðam gleawan, ­ ­ ­ ­ ­forðan ic hine gōdne wat; for þon he his mildheortnysse ­ ­ ­ ­ ­mannum cyðde, on ðysse worulde ­ ­ ­ ­ ­wis gestandeð.

Sealm 107:1

Ic andette ­ ­ ­ ­ ­ecne Drihten, þæne goodan god, ­ ­ ­ ­ ­forðan ic hine gleawne wat; is his mildheortnes ­ ­ ­ ­ ­mycel to worulde.

Sealm 119:12

Þu eart gebletsud, ­ ­ ­ ­ ­bliþe Dryhten; lær me mid lufan, ­ ­ ­ ­ ­hu ic læste well and ic þine soðfæstnysse ­ ­ ­ ­ ­sweotule cunne.

Sealm 119:26

Ic þe wegas mine ­ ­ ­ ­ ­wise secge, and þu me gehyrdest ­ ­ ­ ­ ­holde mode; lær me on life, ­ ­ ­ ­ ­hu ic lengest mæge þine soðfæstnysse ­ ­ ­ ­ ­selest gehealdan.

Sealm 86:5

Forðon þu eart wynsum, ­ ­ ­ ­ ­wealdend Drihten; is þin milde mod ­ ­ ­ ­ ­mycel and genihtsum eallum þam þe þe ­ ­ ­ ­ ­elne cigeað.