Sealm 119:61 - Anglo-Saxon Psalms c.890-950 AD

⁶¹ Me fyrenfulra ­ ­ ­ ­ ­fæcne rapas ungemet geneahhie ­ ­ ­ ­ ­oft beclyptan; næs ic ofergittul, ­ ­ ­ ­ ­þæt ic æ þine mid hygecræfte ­ ­ ­ ­ ­heolde and læste.

Sealm 119:61 Iomraidhean Croise

Sealm 119:16

Ic on þinre soðfæstnysse ­ ­ ­ ­ ­symble meteode, þæt ic þine wislicu ­ ­ ­ ­ ­word geheolde.

Sealm 119:176

Ic gedwelede ­ ­ ­ ­ ­swa þæt dysige scep, þætte forweorðan ­ ­ ­ ­ ­wolde huru; la, sece þinne esne ­ ­ ­ ­ ­elne, Drihten; forðon ic þinra beboda ne forgeat ­ ­ ­ ­ ­beorhtra æfre.

Sealm 119:95

Me fyrenfulle ­ ­ ­ ­ ­fæcne seceað, wyllað me laðe ­ ­ ­ ­ ­lifes asecean; ic ðine gewitnesse ­ ­ ­ ­ ­wat and sohte.

Sealm 140:5

Þa on hyge þohtan, ­ ­ ­ ­ ­þæt hi ahyltan me and minne gang ­ ­ ­ ­ ­georne swylce, forhyddan oferhygde me ­ ­ ­ ­ ­inwitgyrene, wraðan wealsadan ­ ­ ­ ­ ­wundnum rapum; woldan mine fotas ­ ­ ­ ­ ­gefæstnian, settan me swyce, ­ ­ ­ ­ ­þær ic siþade.

Sealm 3:1

Eala, Drihten, hwi synt swa manige minra feonda, þara þe me swencað; for hwi arisað swa mænige wið me?