Sealm 119:47 - Anglo-Saxon Psalms c.890-950 AD

⁴⁷ And ic on þinum bebodum ­ ­ ­ ­ ­bealde mote gemetegian ­ ­ ­ ­ ­swyþe mærne ræd, forþan ic hi on lufan minre ­ ­ ­ ­ ­lange hæfde.

Sealm 119:47 Iomraidhean Croise

Sealm 112:1

Eadig byð se wer ­ ­ ­ ­ ­se þe him ege Drihtnes on ferhðcleofan ­ ­ ­ ­ ­fæste gestandeð, and his bebod healdeð ­ ­ ­ ­ ­bealde mid willan.

Sealm 119:113

And ic synfulle ­ ­ ­ ­ ­symble feode, and ic æ þine ­ ­ ­ ­ ­elne lufade.

Sealm 119:119

Ic oferhylmend ­ ­ ­ ­ ­ealle getealde, þa on eorðan her ­ ­ ­ ­ ­yfele wæron, forðon ic þine gewitnesse ­ ­ ­ ­ ­wyrðe lufade.

Sealm 119:127

For ðon ic þin bebod ­ ­ ­ ­ ­beorhte lufode, ða me georne synd ­ ­ ­ ­ ­golde deorran, topazion þæra ­ ­ ­ ­ ­teala gimma.

Sealm 119:140

Is þin agen spræc ­ ­ ­ ­ ­innan fyren, sylf swiþe hat, ­ ­ ­ ­ ­and symble ða þin esne her ­ ­ ­ ­ ­ealle lufade.

Sealm 119:159

Swylce ic sylf geseah, ­ ­ ­ ­ ­þæt ic þin soð bebod lustum lufige, ­ ­ ­ ­ ­leofa Drihten; on þinre mildheortnesse ­ ­ ­ ­ ­me scealt acwician.

Sealm 119:16

Ic on þinre soðfæstnysse ­ ­ ­ ­ ­symble meteode, þæt ic þine wislicu ­ ­ ­ ­ ­word geheolde.

Sealm 119:163

And ic unrihta gehwylc ­ ­ ­ ­ ­elne feode and onhyscte ­ ­ ­ ­ ­æghwær georne; wolde ic æ þine ­ ­ ­ ­ ­elne lufian.

Sealm 119:167

Hafað sawl min ­ ­ ­ ­ ­soð gehealden þinre gewitnesse ­ ­ ­ ­ ­worda æghwylc, and ic þa lustum ­ ­ ­ ­ ­lufade swiðe.

Sealm 119:174

Ic þinre hælu ­ ­ ­ ­ ­her wilnade, Drihten ælmihtig; ­ ­ ­ ­ ­do me symble, þæt ic æ þine ­ ­ ­ ­ ­elne metige.

Sealm 119:24

Me wæs þin gewitnys ­ ­ ­ ­ ­wyrð and getreowe, and ic hi on mode ­ ­ ­ ­ ­metegie georne and me to frofre wat, ­ ­ ­ ­ ­þæt ic forð heonun his soðfæstnysse ­ ­ ­ ­ ­sece georne.

Sealm 119:48

And ic mine handa ­ ­ ­ ­ ­hof gelome, þær ic þine bebodu ­ ­ ­ ­ ­bryce lufade, þa ic mid ðysse þeode ­ ­ ­ ­ ­þearle begange, and on ðine soðcwydas ­ ­ ­ ­ ­symble ic getreowige.

Sealm 119:97

Hu ic æ þine, ­ ­ ­ ­ ­ece Drihten, lustum lufode; ­ ­ ­ ­ ­ic þæt lange dyde, þæt ic þa on mode ­ ­ ­ ­ ­metegade georne.