Sealm 119:34 - Anglo-Saxon Psalms c.890-950 AD

³⁴ Syle me andgit eac, ­ ­ ­ ­ ­þæt ic æ þine smeage mid soðe, ­ ­ ­ ­ ­swylce healde on ealre minre heortan ­ ­ ­ ­ ­holde mode.

Sealm 119:34 Iomraidhean Croise

Sealm 111:10

Þæt byð secga gehwam ­ ­ ­ ­ ­snytru on frymðe, þæt he godes egesan ­ ­ ­ ­ ­gleawe healde, and þæt byð andgit good ­ ­ ­ ­ ­eallum swylce þe hine wyllað well ­ ­ ­ ­ ­wyrcean and healdan. Herenes Drihtnes ­ ­ ­ ­ ­her sceal wunian, on worulda woruld ­ ­ ­ ­ ­wynnum standan.

Sealm 119:10

Ic þe mid ealre ­ ­ ­ ­ ­innancundre heortan sece; ­ ­ ­ ­ ­ne þu huru me fram þinum bebodum ­ ­ ­ ­ ­feor adrife.

Sealm 119:100

Ic þæt ofer yldran oncneow ­ ­ ­ ­ ­and þæt a geheold, þæt ic þine bebodu ­ ­ ­ ­ ­bliðe geheolde.

Sealm 119:104

On bebodum ðinum ­ ­ ­ ­ ­ic me betst oncneow, þæt ic unrihte wegas ­ ­ ­ ­ ­ealle feode, for ðon þu me æ þine ­ ­ ­ ­ ­ær gesettest.

Sealm 119:125

Ic eom esne þin; ­ ­ ­ ­ ­syle andgit, þæt ic þine gewitnesse ­ ­ ­ ­ ­wel leornige.

Sealm 119:130

Worda me þinra ­ ­ ­ ­ ­wise onleohteð, beorhtnesse blæcern, ­ ­ ­ ­ ­and þu bealde sylest andgit eallum ­ ­ ­ ­ ­eorðbuendum.

Sealm 119:144

Ys me þin gewitnes ­ ­ ­ ­ ­weorðast and rihtast, and ða me on ece ­ ­ ­ ­ ­andgyt hæbbe; syle me ða to soðe, ­ ­ ­ ­ ­and ic syþþan lifige.

Sealm 119:169

Nu genealæceð ­ ­ ­ ­ ­neode minum gebedum bealde, ­ ­ ­ ­ ­þæt ic bidde nu on þinre gesihðe ­ ­ ­ ­ ­symble, Drihten; æfter þinre spræce ­ ­ ­ ­ ­syle me spedlice, þæt þu me generige ­ ­ ­ ­ ­niða gehwylces.

Sealm 119:2

Eadige beoð swylce, ­ ­ ­ ­ ­þa þe a wyllað his gewitnesse ­ ­ ­ ­ ­wise smeagan, and hine mid ealle ­ ­ ­ ­ ­innancundum heortan hordcofan ­ ­ ­ ­ ­helpe biddað.

Sealm 119:58

Ic bidde þinre ansyne ­ ­ ­ ­ ­ungemete georne mid ealre gehygde ­ ­ ­ ­ ­heortan minre, þæt þu me on mode ­ ­ ­ ­ ­milde weorðe æfter þinre spræce ­ ­ ­ ­ ­spowendlice.

Sealm 119:66

Þu me þeodscipe lær ­ ­ ­ ­ ­þinne tilne and wisdomes ­ ­ ­ ­ ­word to genihte, forðon ic þin bebod ­ ­ ­ ­ ­þriste gelyfde.

Sealm 119:69

Ys nu mænigfeald ofer me ­ ­ ­ ­ ­man and unriht oferhydigra; ­ ­ ­ ­ ­ic nu mid ealre minre heortan hige ­ ­ ­ ­ ­hycge swiðe, þæt ic þin bebod ­ ­ ­ ­ ­beorht atredde.

Sealm 119:73

Handa me ðine ­ ­ ­ ­ ­holde geworhton and gehiwedan ­ ­ ­ ­ ­mid higecræfte; syle me nu andgyt, ­ ­ ­ ­ ­þæt ic eall mæge þine bliðe bebodu ­ ­ ­ ­ ­beorhte leornian.