Sealm 119:2 - Anglo-Saxon Psalms c.890-950 AD

² Eadige beoð swylce, ­ ­ ­ ­ ­þa þe a wyllað his gewitnesse ­ ­ ­ ­ ­wise smeagan, and hine mid ealle ­ ­ ­ ­ ­innancundum heortan hordcofan ­ ­ ­ ­ ­helpe biddað.

Sealm 119:2 Iomraidhean Croise

Sealm 105:45

Þær hi heoldan ­ ­ ­ ­ ­halige domas and his soðfæst word ­ ­ ­ ­ ­swylce georne, and his æbebod ­ ­ ­ ­ ­awa to feore.

Sealm 119:10

Ic þe mid ealre ­ ­ ­ ­ ­innancundre heortan sece; ­ ­ ­ ­ ­ne þu huru me fram þinum bebodum ­ ­ ­ ­ ­feor adrife.

Sealm 119:101

Ic minum fotum ­ ­ ­ ­ ­fæcne siðas þa wraþan wegas ­ ­ ­ ­ ­werede georne, þæt ic þine word mihte ­ ­ ­ ­ ­wel gehealdan.

Sealm 119:115

Gewitað fram me, ­ ­ ­ ­ ­þe awyrgede synt, þenden ic Godes bebodu ­ ­ ­ ­ ­georne smeage.

Sealm 119:146

Ic cleopode to ðe; ­ ­ ­ ­ ­do me cuðlice halne, heahcyning, ­ ­ ­ ­ ­heofona wealdend, hælende Crist; ­ ­ ­ ­ ­ic þæt hicge nu, þæt ic ðine bebodu ­ ­ ­ ­ ­bliðe gehealde.

Sealm 119:17

Gild þinum esne ­ ­ ­ ­ ­gōde dæde; ic on lifdagum ­ ­ ­ ­ ­lustum healde þinra worda waru ­ ­ ­ ­ ­mid wisdome.

Sealm 119:22

Afyr þu fram me ­ ­ ­ ­ ­facen and edwit, oððe ic oferhydige ­ ­ ­ ­ ­awiht wylle; forðan ic þine gewitnesse ­ ­ ­ ­ ­wylle secan.

Sealm 119:33

Æ þu me sete, ­ ­ ­ ­ ­ece Dryhten, þæt ic on soðfæste wegas ­ ­ ­ ­ ­symble gange and ic þa secan ­ ­ ­ ­ ­symble mote.

Sealm 119:34

Syle me andgit eac, ­ ­ ­ ­ ­þæt ic æ þine smeage mid soðe, ­ ­ ­ ­ ­swylce healde on ealre minre heortan ­ ­ ­ ­ ­holde mode.

Sealm 119:57

Me ys on dæle, ­ ­ ­ ­ ­Dryhten user, cwide cynlice, ­ ­ ­ ­ ­þæt ic cwic wylle þine æ healdan ­ ­ ­ ­ ­elne mycle.

Sealm 119:69

Ys nu mænigfeald ofer me ­ ­ ­ ­ ­man and unriht oferhydigra; ­ ­ ­ ­ ­ic nu mid ealre minre heortan hige ­ ­ ­ ­ ­hycge swiðe, þæt ic þin bebod ­ ­ ­ ­ ­beorht atredde.

Sealm 119:88

Æfter ðinre þære myclan ­ ­ ­ ­ ­mildheortnesse weorð me, mihtig God, ­ ­ ­ ­ ­milde and bliðe; and ic gewitnesse ­ ­ ­ ­ ­wel gehealde muþes þines, ­ ­ ­ ­ ­þe þu men lærdest.

Sealm 25:10

Ealle Godes wegas syndon mildheortnes and rihtwisnes ælcum þæra þe his æ secað and his bebodu lufiað.