Sealm 119:174 - Anglo-Saxon Psalms c.890-950 AD

¹⁷⁴ Ic þinre hælu ­ ­ ­ ­ ­her wilnade, Drihten ælmihtig; ­ ­ ­ ­ ­do me symble, þæt ic æ þine ­ ­ ­ ­ ­elne metige.

Sealm 119:174 Iomraidhean Croise

Sealm 1:2

ac his willa byð on Godes æ, and ymb his æ he byð smeagende dæges and nihtes.

Sealm 119:111

Ic me eowde begeat, ­ ­ ­ ­ ­æðele hæbbe þine gewitnesse ­ ­ ­ ­ ­wel getreowe on ecnesse ­ ­ ­ ­ ­awa to feore; þæt byð heahbliss ­ ­ ­ ­ ­heortan minre.

Sealm 119:16

Ic on þinre soðfæstnysse ­ ­ ­ ­ ­symble meteode, þæt ic þine wislicu ­ ­ ­ ­ ­word geheolde.

Sealm 119:162

Ic blissige ­ ­ ­ ­ ­bealde mode ofer ðinre spræce ­ ­ ­ ­ ­spede þa myclan, swa se bið bliðe, ­ ­ ­ ­ ­se þe beorna reaf manige meteð, ­ ­ ­ ­ ­þær hit mannum losað.

Sealm 119:24

Me wæs þin gewitnys ­ ­ ­ ­ ­wyrð and getreowe, and ic hi on mode ­ ­ ­ ­ ­metegie georne and me to frofre wat, ­ ­ ­ ­ ­þæt ic forð heonun his soðfæstnysse ­ ­ ­ ­ ­sece georne.

Sealm 119:41

And me ofer cume, ­ ­ ­ ­ ­ece Dryhten, þæt milde mod, ­ ­ ­ ­ ­mære hælu æfter þinre spræce ­ ­ ­ ­ ­spowendlice.

Sealm 119:47

And ic on þinum bebodum ­ ­ ­ ­ ­bealde mote gemetegian ­ ­ ­ ­ ­swyþe mærne ræd, forþan ic hi on lufan minre ­ ­ ­ ­ ­lange hæfde.

Sealm 119:77

Cumen me ðine miltsa ­ ­ ­ ­ ­mihtum geswyþede, and ic lange on þam ­ ­ ­ ­ ­lifian mote; forðon me is metegung ­ ­ ­ ­ ­on modsefan, hu ic æ þine ­ ­ ­ ­ ­efnast healde.

Sealm 119:81

Min saul gewearð ­ ­ ­ ­ ­swancur on mode, þær ic on þinre hælu ­ ­ ­ ­ ­hogode and sohte, hu ic on þinum wordum ­ ­ ­ ­ ­wel getrywade.