Sealm 119:15 - Anglo-Saxon Psalms c.890-950 AD

¹⁵ Swa ic on þine soðfæstnysse ­ ­ ­ ­ ­soðe getreowe, þæt ic ne weorðe ­ ­ ­ ­ ­worda þinra ealra ofergittul ­ ­ ­ ­ ­awa to feore.

Sealm 119:15 Iomraidhean Croise

Sealm 1:2

ac his willa byð on Godes æ, and ymb his æ he byð smeagende dæges and nihtes.

Sealm 119:117

Gefultuma me fæste; ­ ­ ­ ­ ­ðonne beo ic fægere hal, and ic þine soðfæstnysse ­ ­ ­ ­ ­symble þence.

Sealm 119:131

Muð ic ontynde ­ ­ ­ ­ ­minne wide, þæt me min oroð ­ ­ ­ ­ ­ut afæmde, þær ic ðin bebod ­ ­ ­ ­ ­efnede mid willan.

Sealm 119:148

Þe eagan mine ­ ­ ­ ­ ­eac forecoman; on ærmergen ­ ­ ­ ­ ­ic elne ongann þine spræce ­ ­ ­ ­ ­spyrian georne.

Sealm 119:23

Ac nu ealdormenn ­ ­ ­ ­ ­ealle ætgædere sæton on seldum, ­ ­ ­ ­ ­swyþe spræcon, and wið me wraðum ­ ­ ­ ­ ­wordum scirdan; hwæþere þin esne ­ ­ ­ ­ ­elnes teolode, þæt he þine soðe word ­ ­ ­ ­ ­snotur beeode.

Sealm 119:48

And ic mine handa ­ ­ ­ ­ ­hof gelome, þær ic þine bebodu ­ ­ ­ ­ ­bryce lufade, þa ic mid ðysse þeode ­ ­ ­ ­ ­þearle begange, and on ðine soðcwydas ­ ­ ­ ­ ­symble ic getreowige.

Sealm 119:6

Ne beo ic þonne on ealdre ­ ­ ­ ­ ­æfre gescynded, gif ic on ealle þine bebodu ­ ­ ­ ­ ­elne locie.

Sealm 119:78

Beon þa oferhydegan ­ ­ ­ ­ ­ealle gescende, þe me unrihte ­ ­ ­ ­ ­ahwær gretan; ic þine bebodu ­ ­ ­ ­ ­bealde gegange.

Sealm 119:97

Hu ic æ þine, ­ ­ ­ ­ ­ece Drihten, lustum lufode; ­ ­ ­ ­ ­ic þæt lange dyde, þæt ic þa on mode ­ ­ ­ ­ ­metegade georne.

Sealm 119:99

Ofer ealle þa ­ ­ ­ ­ ­þe me ær lærdon, ic þæs hæfde andgyt ­ ­ ­ ­ ­æghwær gleawast, þæt ic þine gewitnesse ­ ­ ­ ­ ­wise sohte.