Sealm 119:144 - Anglo-Saxon Psalms c.890-950 AD

¹⁴⁴ Ys me þin gewitnes ­ ­ ­ ­ ­weorðast and rihtast, and ða me on ece ­ ­ ­ ­ ­andgyt hæbbe; syle me ða to soðe, ­ ­ ­ ­ ­and ic syþþan lifige.

Sealm 119:144 Iomraidhean Croise

Sealm 119:138

Hwæt, ðu soðfæst weorc ­ ­ ­ ­ ­symble hete on þinre gewitnesse ­ ­ ­ ­ ­wel gehealdan; ealles forgeaton, ­ ­ ­ ­ ­þa me grame wæron, worda þinra ­ ­ ­ ­ ­and me wa dydana.

Sealm 119:151

Wes me swiðe neah, ­ ­ ­ ­ ­wuldres Drihten; synt ealle þine wegas ­ ­ ­ ­ ­wise and cuðe.

Sealm 119:152

Ic gewitnesse ­ ­ ­ ­ ­wise þine ongeat gleawlice, ­ ­ ­ ­ ­þæt þu geara hi on ecnesse ­ ­ ­ ­ ­ær staþelodest.

Sealm 119:169

Nu genealæceð ­ ­ ­ ­ ­neode minum gebedum bealde, ­ ­ ­ ­ ­þæt ic bidde nu on þinre gesihðe ­ ­ ­ ­ ­symble, Drihten; æfter þinre spræce ­ ­ ­ ­ ­syle me spedlice, þæt þu me generige ­ ­ ­ ­ ­niða gehwylces.

Sealm 119:17

Gild þinum esne ­ ­ ­ ­ ­gōde dæde; ic on lifdagum ­ ­ ­ ­ ­lustum healde þinra worda waru ­ ­ ­ ­ ­mid wisdome.

Sealm 119:34

Syle me andgit eac, ­ ­ ­ ­ ­þæt ic æ þine smeage mid soðe, ­ ­ ­ ­ ­swylce healde on ealre minre heortan ­ ­ ­ ­ ­holde mode.

Sealm 119:66

Þu me þeodscipe lær ­ ­ ­ ­ ­þinne tilne and wisdomes ­ ­ ­ ­ ­word to genihte, forðon ic þin bebod ­ ­ ­ ­ ­þriste gelyfde.

Sealm 119:73

Handa me ðine ­ ­ ­ ­ ­holde geworhton and gehiwedan ­ ­ ­ ­ ­mid higecræfte; syle me nu andgyt, ­ ­ ­ ­ ­þæt ic eall mæge þine bliðe bebodu ­ ­ ­ ­ ­beorhte leornian.

Sealm 19:9

Godes ege is swiðe halig: he þurhwunað a worlda world. Godes domas synt swiðe soðe: hi synt gerihtwisode on him sylfum.