Sealm 119:14 - Anglo-Saxon Psalms c.890-950 AD

¹⁴ And ic on wege swylce ­ ­ ­ ­ ­wynnum gange, þær ic ðine gewitnesse ­ ­ ­ ­ ­wat ful clæne, swa ic ealra welena ­ ­ ­ ­ ­willum bruce.

Sealm 119:14 Iomraidhean Croise

Sealm 112:1

Eadig byð se wer ­ ­ ­ ­ ­se þe him ege Drihtnes on ferhðcleofan ­ ­ ­ ­ ­fæste gestandeð, and his bebod healdeð ­ ­ ­ ­ ­bealde mid willan.

Sealm 119:111

Ic me eowde begeat, ­ ­ ­ ­ ­æðele hæbbe þine gewitnesse ­ ­ ­ ­ ­wel getreowe on ecnesse ­ ­ ­ ­ ­awa to feore; þæt byð heahbliss ­ ­ ­ ­ ­heortan minre.

Sealm 119:127

For ðon ic þin bebod ­ ­ ­ ­ ­beorhte lufode, ða me georne synd ­ ­ ­ ­ ­golde deorran, topazion þæra ­ ­ ­ ­ ­teala gimma.

Sealm 119:162

Ic blissige ­ ­ ­ ­ ­bealde mode ofer ðinre spræce ­ ­ ­ ­ ­spede þa myclan, swa se bið bliðe, ­ ­ ­ ­ ­se þe beorna reaf manige meteð, ­ ­ ­ ­ ­þær hit mannum losað.

Sealm 119:47

And ic on þinum bebodum ­ ­ ­ ­ ­bealde mote gemetegian ­ ­ ­ ­ ­swyþe mærne ræd, forþan ic hi on lufan minre ­ ­ ­ ­ ­lange hæfde.

Sealm 119:72

Me is micle betere, ­ ­ ­ ­ ­þæt ic bebodu healde, ðines muðes gemet, ­ ­ ­ ­ ­þonne mon me geofe geara ðusende ­ ­ ­ ­ ­goldes and seolfres.

Sealm 119:77

Cumen me ðine miltsa ­ ­ ­ ­ ­mihtum geswyþede, and ic lange on þam ­ ­ ­ ­ ­lifian mote; forðon me is metegung ­ ­ ­ ­ ­on modsefan, hu ic æ þine ­ ­ ­ ­ ­efnast healde.