Sealm 119:110 - Anglo-Saxon Psalms c.890-950 AD

¹¹⁰ Me firenfulle fæcne gyrene awriþan wraðe, ­ ­ ­ ­ ­and ne wolde ic fram þinum bebodum ­ ­ ­ ­ ­feor geswican.

Sealm 119:110 Iomraidhean Croise

Sealm 119:10

Ic þe mid ealre ­ ­ ­ ­ ­innancundre heortan sece; ­ ­ ­ ­ ­ne þu huru me fram þinum bebodum ­ ­ ­ ­ ­feor adrife.

Sealm 119:21

Þu oferhydige ­ ­ ­ ­ ­ealle þreadest, þa þu awyrgde ­ ­ ­ ­ ­wistest gearuwe and þine bebodu ­ ­ ­ ­ ­efnan noldan.

Sealm 119:51

Oftust ofermodige ­ ­ ­ ­ ­unriht fremmað, oþþæt hi on eorðan ­ ­ ­ ­ ­ealle forweorðað; ic þinre æ ­ ­ ­ ­ ­a folgode.

Sealm 119:85

Me manwyrhtan ­ ­ ­ ­ ­manige on spellum sægdon soðlice; ­ ­ ­ ­ ­na ic hit swa oncneow, swa hit þin æ hafað, ­ ­ ­ ­ ­ece Dryhten.

Sealm 119:87

Hio me lytle læs ­ ­ ­ ­ ­laþe woldan ðisses eorðweges ­ ­ ­ ­ ­ende gescrifan; ic þin gebod ­ ­ ­ ­ ­þa ne wolde on þysum ealdre ­ ­ ­ ­ ­anforlætan.

Sealm 119:95

Me fyrenfulle ­ ­ ­ ­ ­fæcne seceað, wyllað me laðe ­ ­ ­ ­ ­lifes asecean; ic ðine gewitnesse ­ ­ ­ ­ ­wat and sohte.

Sealm 140:5

Þa on hyge þohtan, ­ ­ ­ ­ ­þæt hi ahyltan me and minne gang ­ ­ ­ ­ ­georne swylce, forhyddan oferhygde me ­ ­ ­ ­ ­inwitgyrene, wraðan wealsadan ­ ­ ­ ­ ­wundnum rapum; woldan mine fotas ­ ­ ­ ­ ­gefæstnian, settan me swyce, ­ ­ ­ ­ ­þær ic siþade.

Sealm 141:9

Geheald me wið þare gryne ­ ­ ­ ­ ­þe me grame setton, þæt me ne beswice ­ ­ ­ ­ ­synwyrcende, þa þe unrihtes ­ ­ ­ ­ ­æghwær þenceað.

Sealm 38:13

Ic þonne swa swa deaf, dyde swylce ic hit ne gehyrde, and swugode swa swa se dumba þe næfre his muð ne ontynð.

Sealm 57:7

Gearo is min heorte ­ ­ ­ ­ ­þæt ic Gode cweme; gearo is min heorte ­ ­ ­ ­ ­þæt ic Gode swylce sealmas singe, ­ ­ ­ ­ ­soðword sprece.