Sealm 119:108 - Anglo-Saxon Psalms c.890-950 AD

¹⁰⁸ Mines muðes me ­ ­ ­ ­ ­modes willa on heahsælum ­ ­ ­ ­ ­hraðe gebringe, and me þine domas alær, ­ ­ ­ ­ ­Drihten, swylce.

Sealm 119:108 Iomraidhean Croise

Sealm 119:12

Þu eart gebletsud, ­ ­ ­ ­ ­bliþe Dryhten; lær me mid lufan, ­ ­ ­ ­ ­hu ic læste well and ic þine soðfæstnysse ­ ­ ­ ­ ­sweotule cunne.

Sealm 119:130

Worda me þinra ­ ­ ­ ­ ­wise onleohteð, beorhtnesse blæcern, ­ ­ ­ ­ ­and þu bealde sylest andgit eallum ­ ­ ­ ­ ­eorðbuendum.

Sealm 119:169

Nu genealæceð ­ ­ ­ ­ ­neode minum gebedum bealde, ­ ­ ­ ­ ­þæt ic bidde nu on þinre gesihðe ­ ­ ­ ­ ­symble, Drihten; æfter þinre spræce ­ ­ ­ ­ ­syle me spedlice, þæt þu me generige ­ ­ ­ ­ ­niða gehwylces.

Sealm 119:26

Ic þe wegas mine ­ ­ ­ ­ ­wise secge, and þu me gehyrdest ­ ­ ­ ­ ­holde mode; lær me on life, ­ ­ ­ ­ ­hu ic lengest mæge þine soðfæstnysse ­ ­ ­ ­ ­selest gehealdan.

Sealm 27:6

and huru nu hæfð min heafod uppahafen ofer mine fynd, for þæm ic ymbhweorfe þin þæt halige tempel, Drihten, and þær offrige on þinum huse þa offrunga; sangas ic singe, and secge Gode lof.