Sealm 118:7 - Anglo-Saxon Psalms c.890-950 AD

⁷ Nu me fultum ys ­ ­ ­ ­ ­fæle Dryhten, ic fracuþe forseo ­ ­ ­ ­ ­feondas mine.

Sealm 118:7 Iomraidhean Croise

Sealm 112:8

getrymed and getyhted, ­ ­ ­ ­ ­þæt him teonan ne mæg fæcne ætfæstan ­ ­ ­ ­ ­feonda ænig, ac he ealle forsyhð ­ ­ ­ ­ ­æghwær georne.

Sealm 54:4

Efne me þonne God ­ ­ ­ ­ ­gleawe fultumeð, is andfengea ­ ­ ­ ­ ­ece Drihten sawle minre; ­ ­ ­ ­ ­he me swican ne wile.

Sealm 54:6

Ic ðe lustum ­ ­ ­ ­ ­lace cweme, and naman þinne ­ ­ ­ ­ ­niode swylce geara andette, ­ ­ ­ ­ ­for ðon ic hine goodne wat.

Sealm 54:7

For þon þu me alysdest, ­ ­ ­ ­ ­lifes ealdor, of earfoðum ­ ­ ­ ­ ­eallum symble, ealle mine fynd ­ ­ ­ ­ ­eagum ofersawe.

Sealm 55:18

A ðu symle ­ ­ ­ ­ ­sawle mine lustum alyse, ­ ­ ­ ­ ­laðum wiðferige, for ðon me manige ymb ­ ­ ­ ­ ­mægene syrewað.

Sealm 59:10

and mildheortnes ­ ­ ­ ­ ­mines Drihtnes me fægere becom, ­ ­ ­ ­ ­þær me wæs freondes þearf. Min se gōda God, ætyw me ­ ­ ­ ­ ­þin agen good for minum feondum, ­ ­ ­ ­ ­þe me feale syndun;

Sealm 59:11

ne do hy to deadan, ­ ­ ­ ­ ­þy læs hi dollice þinre æ geban ­ ­ ­ ­ ­anforlæton. Ac þu hi wide todrif ­ ­ ­ ­ ­þurh þines wordes mægen, and hi wraðe toweorp, ­ ­ ­ ­ ­wealdend min Drihten.

Sealm 92:11

And eage þin ­ ­ ­ ­ ­eac sceawode, hwær fynd mine ­ ­ ­ ­ ­fæcne wæran, and mine wergend ­ ­ ­ ­ ­wraðe gehyrde efne þin agen ­ ­ ­ ­ ­eare swylce.