Sealm 116:5 - Anglo-Saxon Psalms c.890-950 AD

⁵ þæt þu wære mildheort, ­ ­ ­ ­ ­mihtig Dryhten, and ure god ­ ­ ­ ­ ­æghwæs soðfæst; mihta us þine ­ ­ ­ ­ ­milde weorðan.

Sealm 116:5 Iomraidhean Croise

Sealm 103:8

Mildheort þu eart and mihtig, ­ ­ ­ ­ ­mode geþyldig, ece Drihten, ­ ­ ­ ­ ­swa þu a wære; is þin milde mod ­ ­ ­ ­ ­mannum cyðed.

Sealm 112:4

Leoht wæs on leodum ­ ­ ­ ­ ­leofum acyðed, þam þe on ðystrum ­ ­ ­ ­ ­þrage lifdan and hiora heortan ­ ­ ­ ­ ­heoldan mid rihte; milde is on mode ­ ­ ­ ­ ­mihtig Dryhten, and he ys soðfæst ­ ­ ­ ­ ­symble æt þearfe.

Sealm 115:1

Nalæs us, nalæs us, ­ ­ ­ ­ ­nergend Dryhten, ac we naman þinum ­ ­ ­ ­ ­neode secgeað wuldur wide ­ ­ ­ ­ ­geond woruldricu. For ðinre þære myclan ­ ­ ­ ­ ­mildheortnysse and for þinre soðfæstnysse ­ ­ ­ ­ ­samed ætgædere,

Sealm 119:137

Drihten is soðfæst; ­ ­ ­ ­ ­synd his domas eac reðe mid ræde ­ ­ ­ ­ ­rihte gecyðde.

Sealm 145:17

Soðfæst is Drihten ­ ­ ­ ­ ­on his sylfes wegum eallum on eorðan, ­ ­ ­ ­ ­and he æfter þan on his weorcum is ­ ­ ­ ­ ­wis and halig.

Sealm 86:15

Hwæt, þu eart, min Drihten God, ­ ­ ­ ­ ­dædum mildheort, þenden geðyldig, ­ ­ ­ ­ ­þearle soðfæst.

Sealm 86:5

Forðon þu eart wynsum, ­ ­ ­ ­ ­wealdend Drihten; is þin milde mod ­ ­ ­ ­ ­mycel and genihtsum eallum þam þe þe ­ ­ ­ ­ ­elne cigeað.