Sealm 115:2 - Anglo-Saxon Psalms c.890-950 AD

² þy læs þæt æfre cweðan ­ ­ ­ ­ ­oðre þeode: “hwær is heora agen God ­ ­ ­ ­ ­ahwær nu ða?”

Sealm 115:2 Iomraidhean Croise

Sealm 42:10

and þonne hy tobrecað eall min ban; and þonne me hyspað þa þe me swencað; and huru swiðost þonne hy cweðað ælce dæge: hwær ys þin God?”

Sealm 42:11

For hwy eart þu unrot, min mod and min sawl, and hwy gedrefst þu me? Hopa to Drihtne - for þam ic gyt hine andette, for þam he is min hælend and min God.

Sealm 42:3

Me wæran mine tearas for hlafas, ægþer ge on dæg ge on niht, þonne ic gehyrde mine fynd cweþan: “Hwær is þin God þe þu to hopast?”

Sealm 42:4

Ac þonne gemunde ic þine ærran gyfa, and gestaðelode on me mine sawle, for þy ic geare wiste þæt ic sceolde cuman for Godes mildheortnesse to þam wundorlican temple (þæt ys, Godes hus). Þyder ic sceal cuman mid mycelre wynsumnesse stemne and mid andetnesse, swylce symblendra sweg byð and bliðra.

Sealm 79:10

Þy læs æfre cweðan ­ ­ ­ ­ ­oðre þeoda, hæðene herigeas, ­ ­ ­ ­ ­“Hwær com eower halig God?” and us þæt on eagum ­ ­ ­ ­ ­oftust worpen, þær manna wese ­ ­ ­ ­ ­mæst ætgædere. Wrec agen blod ­ ­ ­ ­ ­esna þinra, þæt wæs sarlice agoten, ­ ­ ­ ­ ­þær þu gesawe to;