Sealm 11:2 - Anglo-Saxon Psalms c.890-950 AD

² Ic wat, þeah, for þam þe þa synfullan bendað heora bogan and fyllaþ heora coceras mid flanum: to þam þæt hi magon sceotan þa unscyldigan heortan dygollice þonan hi læst wenað;

Sealm 11:2 Iomraidhean Croise

Sealm 10:2

Þonne se unrihtwisa ofermodegað, þonne byð se earma ðearfa onæled and gedrefed and eac geunrotsod - ac weorðon þa unrihtwisan gefangene on þam geþohtum þe hi geþoht habbað -

Sealm 125:4

Ne he soðfæste ­ ­ ­ ­ ­swylce læteð, þæt hi to unrihte ­ ­ ­ ­ ­ahwær willen handum ræcean, ­ ­ ­ ­ ­ac he him hraþe gyldeð;

Sealm 142:3

Gif mine grame þenceað ­ ­ ­ ­ ­gast teorian, and þu mine stige ­ ­ ­ ­ ­strange ongeate. On þyssum grenan wege, ­ ­ ­ ­ ­þe ic gange on, me oferhydige ­ ­ ­ ­ ­æghwær setton gearwe grine; ­ ­ ­ ­ ­geara ic sceawade,

Sealm 32:11

Blissiað for þæm on Gode and wynsumiað ge rihtwisan, and fægniað and wuldriað, ealra rihtwillenda heortan.

Sealm 37:14

Þa synfullan teoð heora sweord and bendað heora bogan to þæm þæt hi mægon besyrian þone earman and þone wædlan, and þurhsceotan þa unscæðfullan heortan;

Sealm 64:10

Ðe soðfæsta ­ ­ ­ ­ ­symble on Drihten blissað baldlice, ­ ­ ­ ­ ­bote geweneð, and hine heriað eac ­ ­ ­ ­ ­heortan clæne.

Sealm 7:10

Mid rihte we secað fultum to þe, Drihten, for ðam þu gehælst þa heortan rihtra geþohta.

Sealm 7:12

Bute ge to him gecyrren, se deofol cwecð his sweord to eow. And he bende his bogan; se is nu gearo to sceotanne.

Sealm 94:15

Hwylc þonne gena ­ ­ ­ ­ ­gehwyrfed byð, þæt he on unriht ­ ­ ­ ­ ­eft ne cyrre; oððe hwylc nymeð me, ­ ­ ­ ­ ­þæt ic mān fleo and mid rihtheortum ­ ­ ­ ­ ­rædes þence?