Sealm 109:26 - Anglo-Saxon Psalms c.890-950 AD

²⁶ help min, Drihten God, and me halne gedo, ­ ­ ­ ­ ­hælynde Crist, for þinre þære myclan ­ ­ ­ ­ ­mildheortnysse.

Sealm 109:26 Iomraidhean Croise

Sealm 119:86

Wærun þine ealle gebann ­ ­ ­ ­ ­æðele and soðfæst min ehtan oft ­ ­ ­ ­ ­unrihtwyrhtan; gefultuma me ­ ­ ­ ­ ­fægere, Drihten.

Sealm 40:12

For þam me ymbhringde manig yfel þæra nis nan rim; me gefengan mine agene unrihtwisnessa, and ic hy ne meahte geseon ne ongytan. Mine fynd wæran gemanigfealdode, þæt heora wæs ma þonne hæra on minum heafde, and min heorte and min mod me forleton to þam þæt ic me nyste næne ræd.

Sealm 57:1

Miltsa min, God, ­ ­ ­ ­ ­and me milde weorð, for þon min sawel on þe ­ ­ ­ ­ ­swyðe getryweð, and ic on fægerum scuan ­ ­ ­ ­ ­fiðera ðinra gewicie, ­ ­ ­ ­ ­oð þæt gewite forð and unriht me ­ ­ ­ ­ ­eall beglide.

Sealm 69:13

Ic þonne min gebed ­ ­ ­ ­ ­to þe, mihtig Drihten, tidum sende ­ ­ ­ ­ ­teala liciendlic, and þu me þonne on mænigeo ­ ­ ­ ­ ­miltsa þinra gehyre me hlutre ­ ­ ­ ­ ­hælu þine.

Sealm 69:16

Gehyr, Drihten, me, ­ ­ ­ ­ ­for þon gedefe is þin milde mod ­ ­ ­ ­ ­mannum fremsum, and for mænigeo ­ ­ ­ ­ ­miltsa þinra geseoh on me ­ ­ ­ ­ ­swylce, Drihten.