Sealm 108:1 - Anglo-Saxon Psalms c.890-950 AD

¹ Ys min heorte gearu, ­ ­ ­ ­ ­halig Drihten, gearu is min heorte, ­ ­ ­ ­ ­þæt ic gode cweme, sealmas singe ­ ­ ­ ­ ­soþum Drihtne.

Sealm 108:1 Iomraidhean Croise

Sealm 104:33

Ic on minum life ­ ­ ­ ­ ­lustum Drihtne singe soðlice ­ ­ ­ ­ ­and secge eac, þenden ic wunige ­ ­ ­ ­ ­on worulddreamum.

Sealm 138:1

Ic þe andette, ­ ­ ­ ­ ­ecne Drihten, on minre gehygde ­ ­ ­ ­ ­heortan ealre; for ðon þu ealle mine word ­ ­ ­ ­ ­earum gehyrdest, þa ic mid muðe ­ ­ ­ ­ ­and mid mode cweðe, and on þinra engla ­ ­ ­ ­ ­ealra gesihðe ic þe singe ­ ­ ­ ­ ­swiðe geneahhige.

Sealm 145:21

Sceal lof Drihtnes ­ ­ ­ ­ ­on lust sprecan min muð mannum ­ ­ ­ ­ ­mæla gehwylce, and flæsca gehwylc ­ ­ ­ ­ ­þurh fæle word his þone haligan naman ­ ­ ­ ­ ­her bletsian on ecnesse ­ ­ ­ ­ ­awa to feore.

Sealm 16:9

For þæm þingum min mod is gelustfullod and ic cyðe þa blisse on minre tungan, and on þæm tohopan ic me syððan gereste,

Sealm 30:12

For þam hit ys cyn þæt min wuldor and min gylp þe herige, þæt ic ne wurðe gedrefed. Drihten, min God, on ecnesse ic þe herige.

Sealm 34:1

Ic bletsige Drihten on ælce tid; symle byð his lof on minum muðe.

Sealm 68:1

Arise god, ­ ­ ­ ­ ­ricene weorðe his feonda gehwylc ­ ­ ­ ­ ­fæste toworpen; fleoð his ansyne, ­ ­ ­ ­ ­þa þe hine feodan ær.

Sealm 71:15

Min muð sægeð ­ ­ ­ ­ ­þine mægenspede and þin soðfæst weorc ­ ­ ­ ­ ­swyþust mæreð, sægeð þe ealne dæg ­ ­ ­ ­ ­ece hælu. For þon ic ne ongeat ­ ­ ­ ­ ­grame ceapunga,

Sealm 71:8

Sy min muð and min mod ­ ­ ­ ­ ­mægene gefylled, þæt ic þin lof mæge ­ ­ ­ ­ ­lustum singan and wuldur þin ­ ­ ­ ­ ­wide mærsian and þe ealne dæg ­ ­ ­ ­ ­æghwær herian.