Sealm 106:1 - Anglo-Saxon Psalms c.890-950 AD

¹ Ic andette ­ ­ ­ ­ ­ecum Drihtne, georne ðam gleawan, ­ ­ ­ ­ ­forðan ic hine gōdne wat; for þon he his mildheortnysse ­ ­ ­ ­ ­mannum cyðde, on ðysse worulde ­ ­ ­ ­ ­wis gestandeð.

Sealm 106:1 Iomraidhean Croise

Sealm 103:17

Þin mildheortnes, ­ ­ ­ ­ ­mihtig Drihten, þurh ealra worulda woruld ­ ­ ­ ­ ­wislic standeð, deorust and gedefust ­ ­ ­ ­ ­ofer ealle þa þe ondrædað him.

Sealm 105:1

Andetað Drihtne ­ ­ ­ ­ ­and his ecne naman cegað cymlice, ­ ­ ­ ­ ­and cwyce secgeað his wundorweorc ­ ­ ­ ­ ­ofer ealle werðeode.

Sealm 105:45

Þær hi heoldan ­ ­ ­ ­ ­halige domas and his soðfæst word ­ ­ ­ ­ ­swylce georne, and his æbebod ­ ­ ­ ­ ­awa to feore.

Sealm 107:1

Ic andette ­ ­ ­ ­ ­ecne Drihten, þæne goodan god, ­ ­ ­ ­ ­forðan ic hine gleawne wat; is his mildheortnes ­ ­ ­ ­ ­mycel to worulde.

Sealm 118:1

Ic andette ­ ­ ­ ­ ­ecum Dryhtne þam gōdan Gode; ­ ­ ­ ­ ­ic hine gleawne wat; ys his mildheortnys ­ ­ ­ ­ ­mycel to worulde.

Sealm 119:68

Gōd þu eart, Drihten, ­ ­ ­ ­ ­and me gōd swylce on þinum tile gelær, ­ ­ ­ ­ ­þæt ic teala cunne þin soðfæst weorc ­ ­ ­ ­ ­symble healdan.

Sealm 135:3

Lofiað ge Drihten, ­ ­ ­ ­ ­for þon he lungre is fæstræd and fremsum ­ ­ ­ ­ ­fira æghwam; weorðiað his naman, ­ ­ ­ ­ ­for þon he wyrðe is.

Sealm 136:1

Ic andette ­ ­ ­ ­ ­ecum Drihtne, for ðon he gōd is, ­ ­ ­ ­ ­and ic ful gearwe wat, þæt he to worulde byð ­ ­ ­ ­ ­wis and mildheort.